Ինչ է որոշել «Ծառուկյան» խմբակցությունը Արտակ Զեյնալյանի թեկնածությունը սատարելու հարցում
«Միշտ ասել ենք, որ պատրաստ ենք ցանկացած քաղաքական ուժի, հատկապես՝ ընդդիմադիր գործընկերների հետ բանակցել որևէ հարցի շուրջ, և միշտ մեծ հարգանքով ենք վերաբերվել իրենց և այլ գործընկերների որոշումներին և դիրքորոշումներին, բայց իրենք բանակցությունների չգնացին մեզ հետ, իրենք մեզ առաջարկեցին պաշտպանել իրենց կողմից կայացված միանձնյա որոշումը, բնականաբար, մենք այդ հարցի շուրջ քննարկում չենք ունեցել»,-այս մասին հայտարարեց Ծառուկյան» խմբակցության պատգամավոր Տիգրան Ուրիխանյան Հայելի ակումբում հրավիրած ասուլիսում,երբ լրագրողները հետաքրքրվեցին,թե ի՞նչ դիրքորոշում ունեն այն հարցին մասին,որ ԱԺ «Ելք» խմբակցությունը մոտ երկու շաբաթ առաջ հայտարարել էր, որ Արտակ Զեյնալյանն է լինելու նախագահի իրենց թեկնածուն, և իրենք պատրաստվում են այդ հարցի շուրջ բանակցել նաև «Ծառուկյան» խմբակցության հետ: «Ելքի» հետ էլ որևէ բանակցություն չի՞ եղել հարցին՝ Ուրիխանյանը պատասխանեց. «Մենք միշտ բաց ենք ու պատրաստ ենք՝ բանակցելու ցանկացած հարցի շուրջ, երբ կլինի իրապես բանակցային իրավիճակ, այլ ոչ թե մեզ կառաջարկվի պատրաստի որոշում, այդ հարցի շուրջ էլ քննարկում չի եղել»:
Հետևեք մեզ Viber-ում
