Ֆինանսական բեռը պետությունը չի հոգում

ԻՐԱԿԱՆՈՒՄ ՈՎՔԵ՞Ր ԵՆ ԱՊԱՀՈՎԱԳՐՎԵԼՈՒ

ՄԱՍ 1

Ազգային ժողովում առաջին ընթերցմանբ ընդունվել է ԱՌՈՂՋՈՒԹՅԱՆ ՀԱՄԸՆԴՀԱՆՈՒՐ ԱՊԱՀՈՎԱԳՐՈՒԹՅԱՆ ՄԱՍԻՆ Օրենքի նախագիծը, վերջին տարիների ամենաինտրիգային, ճիշտ կիրառման դեպքում՝ հեղափոխական ծրագրերից մեկը:

2019 թվականից սկսած հանրությունը ականատես է այս օրենքի նախագծի հետաքրքիր էվոլյուցիային, որի վերջնական արդյունքն է հնարավորինս ընդհանրական ձևակերպումներով ներկայացնել ապահովագրական ծրագրի բաղադրիչները՝տեղ թողնելով հետագայում շրջադարձային ձևափոխումների համար:

Եվ քանի որ շահագրգիռ մարմինները 24/7 ռեժիմով ներկայացնում են առողջապահության համընդհանուր ապահովագրությունը, հարկ եմ համարում խոսել այս նախագծի տողերի տակ թաքնված ականների մասին, մասնավորապես՝ իրականում ովքեր են ապահովագրության շահառուները 2026 թվականին և հաջորդ տարիներին:

ԱՅՍՊԵՍ

Նախագծում առանձնացված է 15 շահառուների խմբեր, որանցից 10-ի դեպքում ապահովագրավճարը վճարելու է ՀՀ կառավարությունը, մնացած 5-ի դեպքում՝ քաղաքացիները կամ ՀՀ ռեզիդեները, իրենք՝ իրենց աշխատավարձից կամ եկամուտներից:

ՈՒՇԱԴՐՈՒԹՅՈՒՆ

Զինծառայողներին, ինչպես նաև փրկարար ծառայողներին և նրանց ընտանիքի անդամները ապահովագրական առումով առանձին շահառուների խումբ չեն, և այս խմբի ապահովագրավճարի ֆինանսական բեռը պետությունը չի հոգում: Ավելին, եթե ուշադիր ուսումնասիրենք 2026թվակաի ՀՀ

պետական բյուջեն, ապա ակնհայտ է, որ պետական պատվերի ծրագրով զինծառայողներին հատկացվել է 3,0 մլրդ. դրամ գումար, 2025 թվականի 6,9. մլրդ. դրամի փոխարեն, հետևաբար ակնհայտ է, որ 2026 թվական 200.001 դրան և ավել աշխատավարձի հաշվարկային բազա ունեցող զինծառայողները պարտադիր կվճարեն ապահովագրավճար, որպես նոր «հարկատեսակ»:

ԱՐԴՅՈՒՆՔՈՒՄ

Միայն հաշմանդամության զինվորական կենսաթոշակ ստացող նախկին զինծառայողները կապահովագրվեն պետության կողմից՝ ինչպես հաշմանդամություն ունեցող այլ քաղաքացիները:

Սոցփաթեթի շահառուները՝ պետական հիմնարկների և կազմակերպությունների աշխատողները, բուժաշխատողները նույնպես կվճարեն ապահովագրավճար:

2026 թվականին 200.001 դրամից ավել հաշվարկային աշխատավարձ ունեցող սոցփսթեթի շահառուները կվճարեն ապահովագրավճար:

ՆՈՐ ՍՈՑԻԱԼԱԿԱՆ ԲԱՂԱԴՐԻՉ

65 տարեկանից բարձր տարիքային խումբի ՀՀ քաղաքացիների և ռեզիդենտների փոխարեն ապահովագրավճար կվճարի ՀՀ կառավարությունը՝ ֆինանսների նախարարությունը:

ՀԻՇԵՑՈՒՄ

Ըստ ՄԱԿ-ի սահմանած սանդղակի, երկիրը, որտեղ տարեցների տեսակարար կշիռը 7%-ից բարձր է, համարվում է ծերացող, ՀՀ-ում տարեցների տեսակարար կշիռը մոտ 14% է:

Nikol Pashinyan / Նիկոլ Փաշինյան, 2026-2028 թվականների անցումային խառնաշխոթը կառավարելու համար հանձնարարեք համապատասխան գերատեսչությանը պետական պատվեր/ ապահովագրություն շահառուների շարժը, իրավունքները, պարտավորությունները հստակեցրած թղթին հանձնեն և հաստատեն:

Այլապես անգամ այս քաոսը ստեղծողն ինքն է ընկնելու քաոսի պտտահողմի մեջ:

ԱՄՓՈՓՈՒՄ

ՀՀ-ում ավարտվում է զինվորի ժամանակաշրջանը, երբ մեր հերոսը սահմանում կանգնած զինվորն էր: Այսուհետ, և՛ զինծառայողը, և՛ զինծառայողի ընտանիքի անդամը կհոգա իր առողջապահական ծախսերը ինքը:

Շարունակելի.....

Առողջություն եւ իրավունք հասարակական կազմակերպության համահիմնադիր Ծաղիկ Վարդանյան