Օրհներգը հնչեցնել նախ կառավարության նիստից առաջ, ոչ թե առաքելահիմն Եկեղեցում
Տավուշի ծխական խորհրդի անդամ, նախկին փոխնախարար Լիլյա Շուշանյանը գրառում է կատարել ֆեյսբուքյան էջում, որում, մեջբերելով պատմաբանների աշխատությունները, հիշեցնում է, որ Հայ Առաքելական եկեղեցին առաջացել է դեռ առաջին դարում՝ առաքյալների քարոզչությամբ, ապա պետականացվել՝ լինելով հենց պետության համար շատ անհրաժեշտ գործոն։ Եկեղեցին գոյություն է ունեցել նաև այն ժամանակ, երբ չենք ունեցել պետություն, իսկ այն՝ պետական կրոնի կարգավիճակ։
Այնուհետև Շուշանյանը ընդգծում է, որ հենց այդ պայմաններում էլ եկեղեցին պահել է մեր ազգի ինքնությունն ու հասցրել մինչև նոր պետականության ձեռքբերմանը։
Գրառման մեջ Շուշանյանը մասնավորեցնում է.
«Հայաստանում կաթողիկոսական աթոռն օրգանական շարունակությունն էր Թադեոս և Բարդուղիմեոս առաքյալների, նրանց հաջորդած քարոզիչների, եպիսկոպոսների և քրիստոնեական վարդապետությունը ընդունած և շուրջ 250-ամյա անձնվեր աշխատանքի։
Այո, Հայոց Առաքելական եկեղեցին և հայոց առաքելական քրիստոնեությունը ծագել են դեռ առաջին դարում, իսկ պետականացվել խոհեմ Տրդատ Գ-ի գլխավորւթյամբ ՀԱՄԱԺՈՂՈՎՐԴԱԿԱՆ ԺՈՂՈՎԻ կողմից կաթողիկոսի կարգմամբ, ով և հետագայում ՁԵՌՆԱԴՐՎԵԼ Է ԿԵՍԱՐԻԱՅՈՒՄ։ Խոհեմ, քանի որ այն ժամանակ արդեն իսկ տարածում գտած քրիստոնեությունը պետությանն այդքան անհրաժեշտ միասնականոության հզոր ուժ էր, ինչպես նաև դեռ հեթանոս Հռոմեական կայսրությունից և զրադաշտ Պարսկաստանից քաղաքական ինքնուրույնության և ազգային ինքնության լրացուցիչ լծակ։
Ուստի, 301 թվականին արդեն իսկ սուրբ առաքյալներով և նրանց հետնորդներով հիմնված Հայ Առաքելական քրիստոնեությունը պետականացվեց և համազգայնացվեց, ինչն այդքան անհրաժեշտ էր պետությանը։
Ավելին, Հայ Առաքելական եկեղեցին 301 թվականից շարունակեց իր 17-ԴԱՐՅԱ ԱՆԸՆԴՀԱՏՈՒԹՅՈՒՆԸ՝ ՊԵՏՈՒԹՅԱՆ ԲԱՑԱԿԱՅՈՒԹՅԱՆ ՊԱՅՄԱՆՆԵՐՈՒՄ և ԱՌԱՆՑ ՊԵՏԱԿԱՆ ԿՐՈՆ ԼԻՆԵԼՈՒ ԿԱՐԳԱՎԻՃԱԿԻ։ Այդ ամբողջ ընթացքում պահպանեց հայ ազգը, մշակույթը ու հայի ինքնությունը և հային հասցրեց դեպի նոր պետականության հանգրվան։ »
Միաժամանակ, Շուշանյանը առաջարկել է յուրաքանչյուր հինգշաբթի օրը, ՀՀ կառավարության նիստից 5 րոպե առաջ՝ ժամը 10:55-ին, հնչեցնել Հայաստանի Հանրապետության պետական օրհներգը։
Ամբողջական գրառումն՝ այստեղ
Հետևեք մեզ Viber-ում
