Եվրահանձնաժողովը պետք է Ուկրաինային ֆինանսավորելու այլ միջոցներ գտնի․ Չեխիայի վարչապետ

Եվրահանձնաժողովը պետք է Ուկրաինայի ֆինանսավորման այլ միջոցներ գտնի։ Այսպիսի կարծիք է հայտնել Х սոցցանցում Չեխիայի վարչապետ Անդրեյ Բաբիշը։

Նրա խոսքով՝ նա Բրյուսել աշխատանքային այցի ընթացքում քննարկել է այս հարցը Բելգիայի վարչապետի հետ, եւ երկու կողմերը համաձայնության են եկել։

«Մեր գանձարանը դատարկ է, եւ մեր ունեցած յուրաքանչյուր կրոն մենք պետք է ուղարկենք մեր քաղաքացիների կարիքների համար»,- նշել է Բաբիչն այս առնչությամբ։

Չեխիայի վարչապետի խոսքով՝ Բրյուսելում նա նաեւ առաջ է մղել այն հարցը, որ Չեխիայի Հանրապետությունը նորից հնարավորություն ստանա օգտվելու շահեկան վարկերից SAFE ծրագրով։

«Ֆիալայի կառավարությունը ապահովել է միայն 2 մլրդ եվրո, մինչդեռ Լեհաստանն ստացել է 43 մլրդ եվրո, իսկ Հունգարիան՝ ավելի քան 16 մլրդ եվրո»,- նշել է Բաբիչը։

Ավելի վաղ Եվրամիությունը որոշել էր անժամկետ սառեցնել ռուսական ակտիվները։

ԵՄ-ը պայմանավորվում է անժամկետ սառեցնել 210 մլրդ եվրո ռուսական ինքնիշխան ակտիվները՝ յուրաքանչյուր վեց ամիսը մեկ ակտիվների սառեցումը երկարացնելու քվեարկության փոխարեն։

ՌԴ ԿԲ ավելի քան 200 մլրդ եվրո ակտիվները սառեցվել են արեւմտյան երկրներում 2022թ․ Ուկրաինա ռուսական ներխուժումից հետո, տեղեկացրել է BBC-ն։

Այդ միջոցների մեծ մասը պահվում է Բելգիայում, Euroclear պահառուի հաշիվներում։