Սոցհարցում. Բագրատ և Միքայել սրբազաններին, ինչպես նաև Սամվել Կարապետյանին լայնորեն համարում են քաղբանտարկյալներ

«Gallup International Association»-ի կողմից 1001 քաղաքացիների շրջանում իրականացված սոցիոլոգիական հարցման արդյունքներով, հարցվածների 61.3 տոկոսը նշել է, որ Հայաստանում այսօր կան քաղբանտարկյալներ։ Ինչպես փոխանցում է «Փաստինֆո»-ն, 23 տոկոսը չի կիսում այդ կարծիքը, իսկ 15.7 տոկոսը դժվարացել է պատասխանել։

Քաղբանտարկյալների հարցում կոնկրետ անուններ նշելիս՝

նրանցից 64 տոկոսը ասել է, որ այդ կարգավիճակում է համարում Սամվել Կարապետյանին,

36.2 տոկոսը՝ Բագրատ արքեպիսկոպոս Գալստանյանին,

33 տոկոսը՝ Միքայել արքեպիսկոպոս Աջապահյանին։

Այլ անունների դեպքում տվյալները հետևյալն են․

Գյումրու քաղաքապետ Վարդան Ղուկասյան — 19.4%,

Նարեկ Սամսոնյան — 4.7%,

Լիդյա Մանթաշյան — 4.7%,

Վազգեն Սաղաթելյան — 3.2%,

Դավիթ Համբարձումյան — 2.9%,

Արմեն Աշոտյան — 1.4%։

Հարցման տվյալները վկայում են, որ հասարակության շրջանում ձևավորված է ընդգծված ընկալում՝ մի շարք հայտնի գործիչների ազատազրկումը դիտարկելու որպես քաղաքական ենթատեքստ ունեցող գործընթաց։