Նոր մանրամասներ Ստամբուլում «օրենքով գող» Դատո Պանկիսկիի սպանությունից

«Օրենքով գող» Դատո Պանկիսկինի սպանությունից Prime Crime-ը նոր մանրամասներ է ներկայացնում։ Դատո Պանկիսկին այս տարվա գարնանը փորձել է հաստատվել Իվանովոյում՝ պատիժ կրող «օրենքով գող» Ռուբեն Քոսյանի փոխարեն։ Ասում են, Դատոն նույնիսկ ցուցադրաբար ծեծել է մի վաճառականի, ով տարիներ շարունակել վճարել է Ռուբենին «տանիքի» համար, և բոլորին հայտարարել է, որ այժմ Իվանովոյում գողն ինքն է։ Prime Crime-ի աղբյուրի փոխանցմամբ՝ Դատո Պանկիսկիի սպանության մեջ ակնհայտ տեսանելի է Շաքրոյի «ձեռագիրը», ով իր կյանքում բազմիցս դիմել է վեճերի լուծման ամենաարմատական մեթոդներին։ Եթե Օզմանովներն իսկապես սկսել են վրեժխնդիր լինել, նրանք ստիպված կլինեն ոչնչացնել ևս 4-ին։ Ընդ ոում, այդ շարքում Դատո Պանկիսկին եղել է ամենաանմեղը։ 36-ամյա Դատո Պանկիսկիի (Դավիթ Ալխանաշվիլի) սպանությունը, որը համարում են վրեժ Շաքրո Մոլոդոյի զարմիկ՝ «օրենքով գող» Դատո Կրասնոդարսկիի (Դավիթ Օզմանով) խոշտանգման համար (2011 թ. Բելգիա), կնշանավորի գողական կլանների կոնֆլիկտի նոր արյունոտ փուլի մեկնարկ։ Նշվում է, որ Պանկիսկին պատկանել է Տարիել Օնիանիի կլանին, որը թշնամի է Զախարի Քալաշովի (Շաքրո Մոլոդոյ) կլանի հետ։ 2011 թվականին հենց Օնիանիի կլանի անդամներն էին մահափորձ կատարել Քալաշովի զարմիկի նկատմամբ։