ՍԱՊԾ պետը՝ ՊՆ-ին մարգարին վաճառելու լուրերի մասին
ՀՀ գյուղատնտեսության նախարարության սննդամթերքի անվտանգության պետական ծառայության պետ Իշխան Կարապետյանը դեկտեմբերի 25-ի ամփոփիչ մամուլի ասուլիսին անդրադարձավ կարագի փոխարեն բանակին մարգարին վաճառելու լուրերին: Ինչպես ասաց՝ դեպքը հին է, իր պաշտոնավարման ժամանակահատվածին չի վերաբերվում. «Ես այդ մանրամասներին չեմ տիրապետում, բայց մեծ հաճույքով ձեզ հետ միասին կհետեւեմ զարգացումներին, եւ երբ իրավապահ մարմինները տան համապատասխան պարզաբանումներ, մեղավորները ենթարկվեն օրենքով նախատեսված խիստ պատասխանատվության»,- ասաց Կարապետյանը: Մամուլում օրեր առաջ տեղեկատվություն էր տարածվել, որ հայաստանյան մի կազմակերպություն տարիներ շարունակ արտերկրից մարգարին է ներկրել ու կարագի անվան տակ հազարավոր տոննաներով վաճառել Պաշտպանության նախարարությանը:
Հետևեք մեզ Viber-ում
