«Սա ավելի վաղ պետք է արվեր». Ռուբեն Սաֆրաստյան

Արևելագետ Ռուբեն Սաֆրաստյանն այն կարծիքին է, որ հայ-թուրքական արձանագրությունների չեղարկումը վաղուց պետք է արվեր:  «Սա ավելի վաղ պետք է արվեր, քանի որ թուրքական կողմը որևէ մտադրություն չունի Հայաստանի հետ միջպետական հարաբերությունները կարգավորել: Ես այլ զարգացում չեմ տեսնում, որովհետև Թուրքիայի գործողությունների փոփոխության նախանշան չեմ տեսնում», -նշեց արևելագետը: Այնուհետև խոսելով սիրիական դեպքերից, նշեց, որ այնտեղ ճգնաժամը որոշ չափով կարգավորվել է, քանի որ ռազմական գործողություններից տեղափոխվել է դիվանագիտական, բանակցային գործընթացի: Ինչն էլ իր հերթին ավելացրել է անվտանգության մակարդակը: