Արտակարգ իրավիճակը Լարսում պահպանվում է. նկարներ

Այսօր՝ դեկտեմբերի 25-ին, վերջապես Վրաստանի և Ռուսաստանի Արտակարգ իրավիճակների նախարարության պատասխանատուները «արթնացան արջաքնից» ու Ստեփանծմինդա-Լարս ճանապարհահատված են մտցրել մի քանի տեխնիկաներ, որպեսզի վերջապես մեծ թվով հայաստանցիներ դուրս գան «շրջափակման միջից»։ Ֆոտոլրագրող Գագիկ Շամշյանի հետ զրույցում ՀՀ տրանսպորտի, կապի և տեղեկատվական տեխնոլոգիաների նախարարության մամլո խոսնակը հայտնեց, որ իրավիճակի մասին երեկվանից տեղյակ է եղել նախարար Վահան Մարտիրոսյանը, ում հանձնարարականով էլ հայկական կողմից պատվիրակություն է մեկնել Լարս։ Այսօր արդեն հակառակ կողմից խոստացել են, որ մինչև երեկո ճանապարհը կբացվի, և ոչ ծանրաքարշ ավտոմեքենաներն ազատ կհատեն սահմանը, իսկ հետո արդեն ծանրաքարները կանցնեն։ Լարսում հայտնված ՀՀ քաղաքացիների գրեթե մեծ մասը հայտնվել է անելանելի վիճակում, իսկ որոշ մարդիկ էլ, օգտվելով առիթից, քաղաքացիներին առաջին անհրաժեշտության՝ սնունդ, ջուր վաճառում են «իրենց հոր գներով»։