Նախարարի հորդորը.զսպել ախորժակը
2017թ. ընթացքում «Սեւան» ազգային պարկի աշխատակիցների կողմից կազմվել են 130 իրավախախտումների վերաբերյալ արձանագրություններ,որոնցից 87-ը վերաբերում է ապօրինի ձկնորսության եւ ապօրինի խեցգետնի որսին, 10 ապօրինի շինարարության, 13՝ ռելիեֆի խախտման, 7՝ ապօրինի ծառահատման, 2՝ աղբաթափման, 1՝ ապօրինի մետաղական տաղավարի տեղադրման՝ 8՝ ապօրինի արածեցման դեպքերի վերաբերյալ: 130 արձանագրություններից 71-ն ուղարկվել է տեսչություն,անցյալ տարվա ամփոփիչ ասուլիսում հայտարարեց ՀՀ բնապահպանության նախարար Արծվիկ Մինասյանը:
«Ստուգայցերի ընթացքում առգրավվել են 313 հատ ձկնորսական ցանց, 99 հատ խեցգետնաորսիչ, 3392 հատ սիգ տեսակի ձուկ, շուրջ 65 կգ խեցգետին»,- նշեց նախարարը:
Իրավապահ մարմինների հետ իրականացվում են ստացիոնար ու շրջիկ հսկողություններ, որ նվազեցվեն սիգի որսի դեպքերը, լրագրողների հետ հանդիպմանն ասաց ՀՀ բնապահպանության նախարար Արծվիկ Մինասյանը: «Մենք քաջ գիտակցում ենք, որ ապօրինի որսված շատ ձկներ գտնվում են սառնարաներում, մենք բոլորին կոչ ենք արել զերծ մնալ այս սեզոնին լիճ մտնելուց, որովհետև հիմա ձվադրման շրջան է», - ասաց նախարարը: «Զսպել ախորժակը այս փուլում սիգ ուտելու: Այս զսպումը բերելու է ձկնապաշարի ավելացմանը, այնքան ավելացման, որ հետագայում կարող եք ձեր ախորժակը բավարարել», -նշեց Ա. Մինասյանը:
Հետևեք մեզ Viber-ում
