Ապօրինի ձկնորսները հենց «Սեւան» ազգային պարկի աշխատակիցներն են

Բնապահպանության նախարար Արծվիկ Մինասյանը ամփոփիչ ասուլիսում անդրադարձավ Սևանա լճին.«Սեւանա լճի մակարդակը   1900.42 մետր է՝նախորդ տարվա նույն օրվա դրությամբ այն  նվազել է 0.05 մետրով: 2017թ.-ի համար Սեւանա լճից ոռոգման նպատակով սահմանվել է մինչեւ 270 մլն մետր խորանարդ չափաքանակ: Բացթողնված ջրաքանակը կազմել է 266.757 մլն մետր խորանարդ, ինչը 99.622 մլն մետր խորանարդով ավելի է նախորդ տարվա ցուցանիշից»: 2017թ. դեկտեմբերի 18-ի դրությամբ Սեւանա լիճ Արփա-Սեւան ջրատարով տարեսկզբից մուտք է գործել շուրջ 109.290 մլն մետր խորանարդ չափաքանակ, ինչը 10.559 մետր խորանարդով պակաս է նախորդ տարվա նույն օրվա ցուցանիշից. «Սեւանա լճի թափանցիկությունը այս տարվա ընթացքում եղել է 13 մետր»: 2017թ. ընթացքում «Սեւան» ազգային պարկի աշխատակիցների կողմից  կազմվել են 130 իրավախախտումների վերաբերյալ արձանագրություններ,որոնցից    87-ը վերաբերում է ապօրինի ձկնորսության եւ ապօրինի խեցգետնի որսին, 10 ապօրինի շինարարության, 13՝ ռելիեֆի խախտման, 7՝ ապօրինի ծառահատման, 2՝ աղբաթափման, 1՝ ապօրինի մետաղական տաղավարի տեղադրման՝ 8՝ ապօրինի արածեցման դեպքերի վերաբերյալ: 130 արձանագրություններից 71-ն ուղարկվել է տեսչություն,ասաց նախարարը:

«Ստուգայցերի ընթացքում առգրավվել են 313 հատ ձկնորսական ցանց, 99 հատ խեցգետնաորսիչ, 3392 հատ սիգ տեսակի ձուկ, շուրջ 65 կգ խեցգետին»,- նշեց նախարարը: