Դատարան ներկայացնելու համար մեղադրյալին ինքնաշխատ ձերբակալելը և անձին արգելանքի տակ պահելը օրինականացված բռնության ձև է. Ղամբարյան
Դատարան ներկայացնելու համար մեղադրյալին ինքնաշխատ ձերբակալելը և անձին արգելանքի տակ (ՁՊՎ-ում) պահելը օրինականացված բռնության ձև է: Ակնհայտ է, որ ազատության մեջ գտնվող մեղադրյալին դատարան ներկայացնելու նպատակով ձերբակալելը իր էությամբ, բացառում է անձին ՁՊՎ տեղափոխելու և այնտեղ պահելու անհրաժեշտությունը։ Այս մասին ֆեյսբուքյան իր էջում գրել է իրավաբանական գիտությունների դոկտոր, պրոֆեսոր Արթուր Ղամբարյանը։
«2022 թվականին այս հարցով ՀՀ սահմանադրական դատարան ներկայացված դիմումից մեջբերում.
«Հայկական իրավաքաղաքական ռեալիզմի տեսանկյունից օրենսդիրը քրեական
հետապնդման ռեպրեսիվ համակարգին օրենքով վերապահել է անձին անազատության մեջ պահելու (մինչև 36 ժամ) օրինական, սակայն հակաիրավական
«հիանալի» գործիք։ Քրեական հետապնդման մարմինը ստացել է օրինական, սակայն հակաիրավական հնարավորություն՝ նույնիսկ բովանդակային իմաստով ակնհայտ անհիմն և դատական հեռանկար չունեցող կալանքի միջնորդություն ներկայացնելու
միջոցով, կամայական եղանակով մեղադրյալին զրկել ազատությունից»:
Այս դիմումով վարույթը բնականաբար կարճվեց, իսկ այս «երկսայրի սուրը» գործում է դեռ միակողմանի»,- գրել է Ղամբարյանը։
Հետևեք մեզ Viber-ում
