«Ադրբեջանը մոտ է Վատիկանը «գնելուն»

Ակտիվորեն քննարկվում է Վատիկանի և «Հեյդար Ալիևի» հիմնադրամի միջև կնքված գործարքը, որի շնորհիվ՝ իբրև պատմական ու մշակութային հուշարձանների վերականգնմանն ուղղված ներդրման քողի ներքո, Պապ Լևոն XIV-ը կստանա մոտ 85 միլիոն դոլար։ 

Այդ գումարը կբավարարի արդեն մի քանի տարի շարունակ Վատիկանի բյուջեն ծանրաբեռնող պակասորդը ֆինանսավորելու համար։

Գործարքը Ադրբեջանին ապահովել է Սրբազան Պապի աննախադեպ հասանելիությունը Ադրբեջանի ցեղասպան վարչակազմի համար։ Ադրբեջանի ղեկավարությունը բառացիորեն բնակություն է հաստատել Վատիկանում։

Այնտեղ բացվել է Ադրբեջանի դեսպանատան վարչական գրասենյակ։ Վերջին մի քանի ամիսներին Պապի մոտ այցելել են Ալիևների ընտանիքի անդամները՝ գլխավորությամբ երկրի առաջին տիկին Մեհրիբանի, այցելել է նաև Կովկասի մուսուլմանների վարչության ղեկավարը, իսկ երեկ Ադրբեջանի արտաքին գործերի նախարար Ջեյհուն Բայրամովը հանդիպել է Վատիկանի պետական քարտուղարության արտաքին հարաբերությունների քարտուղար, արքեպիսկոպոս Փոլ Գալլահերի հետ։

Ծրագրվում է նաև Սրբազան Պապի այցը Թուրքիա։

Վատիկանն առանցքային դեր ունի Կովկասում թուրքական մշակույթի և այն հայկական ժառանգությունից բարձր ներկայացնելու համար առասպելների ձևավորման մեջ։ Վատիկանում պարբերաբար անցկացվում են «կեղծագիտական» միջոցառումներ, որտեղ հին հայկական հուշարձանները ներկայացվում են որպես ալբանական։ Իսկ դա, իր հերթին, հնարավորություն է տալիս Ադրբեջանին վերացնել Արցախի բռնազավթված տարածքներում առկա քրիստոնեական պատմության հետքերը». գրում է «Երևանսկիյ Նաբլյուդատելը»