«Կարեն Կարապետյանը ճիշտ ուղի է բռնել». Աղվան Վարդանյան (video)

«Հայելի» ակումբում կայացած այսօրվա ասուլիսում ՀՅԴ պատգամավոր Աղվան Վարդանյանը, անդրադառնալով կառավարության վարած քաղաքականությանը, ասաց, որ գոհ է, ավելին. «Ես կարծում եմ, որ մեր ոչ միայն տնտեսական, այլև ողջ պրոբլեմների ախտաճանաչումը կատարված է ճիշտ, խնդիրները ձևակերպված են ճիշտ, աշխատանքի ուղղություննե­րը, գուցե ոչ բավարար տեմպերով, բայց ընթանում են»: Այնուհետև նկատեց, որ անցած տարվա 0,2% տնտեսական աճի փոխարեն այս տարի ունենք 6,5-7% աճ, արտահանման ծա­վալների աճին՝ վերջին 7-8 տարիների համեմատությամբ, տվեց ռեկորդային բնորո­շում: Նույնիսկ շինարարության ոլորտը, որը տասնամյակով միշտ բացասական ցուցանիշ ուներ, փոքր, բայց աճ է գրանցել, զբոսաշրջությունը ևս: Նրա համոզմամբ՝ ստեղծվում են այն բոլոր հիմքերը, որոնք հնարավորություն կտան հե­տա­գայում նաև լրջորեն զբաղվելու սոցիալական արդարության խնդիրները լուծելու հարցերում: «Կառավարության առաջընթացը չեմ վերագրում միայն Կարեն Կարա­պետ­յա­նին, իհարկե, իր դերը շատ կարևոր է: Ես առաջընթացը վերագրում եմ խնդիրների ճիշտ ձևակերպմանը, որը կար և՛ հանրապետության նախագահի մեկ տարի ա­ռաջվա ելույթի մեջ, և՛ Դաշնակցության ու ՀՀԿ համաձայնագրերում»,- ասաց նա և ավելացրեց, -«Այդ խնդիրները ձևակերպված են քաղաքական մակարդակում և ամբողջ կառավարությունը, իսկապես, շատ լավ աշխատանք է կատարել»: Հարցին, թե ո՞վ կառաջադրվի վարչապետի պաշտոնում հաջորդ տարի, Աղվան Վարդանյանը ասաց, որ այսօր վաղ է խոսել այդ հարցի մասին: