Հայտնի է Նոր Նորքի «Երևան Սիթի»-ում տեղի ունեցած սպանության պատճառը
«Փաստիֆո»-ի տեղեկություններով՝ «Երևան Սիթի» սուպերմարկետի տարածքից դանակահարված տղամարդ է հիվանդանոց տեղափոխվել, ով ճանապարհին մահացել է: Դեպքի վերաբերյալ տեղեկությունը հաստատեցին Քննչական կոմիտեից՝ հայտնելով, որ տուժողի ինքնությունը պարզվել է. նա 1957 թ. ծնված Լևոն Ասատրյանն է: ՔԿ-ից նաև տեղեկացանք, որ փաստի առթիվ հարուցվել է քրեական գործ՝ ՀՀ քրեական օրենսգրքի 104-րդ հոդվածի 1-ին մասով, ստեղծվել է քննչական խումբ և այս պահին կատարվում են անհրաժեշտ քննչական գործողություններ: Նախնական տվյալներով՝ տղամարդը սուր կտրող ծակող գործիքով վնասվածք է ստացել կրծքավանդակի շրջանում: Մեր տեղեկություններով, նա «Երևան Սիթի» սուպերմարկետի տարածքում գործող շուկայում զբաղվում է պտուղ-բանջարեղենի վաճառքով, իսկ վիճաբանությունը ծագել է ապրանքի քաշի պատճառով:
Հետևեք մեզ Viber-ում
