Փոփոխություն հիփոթեքային վարկի մարման ծառայությունում.ինչ է առաջարկվում
«Սոցփաթեթի շահառուների համար կսահմանվի կանխարգելիչ բժշկական քննություն անցնելուց հետո ծառայություններից օգտվելու հստակ ժամանակահատված և բանկերից սոցփաթեթի գումարների փոխանցման պարտավորություն՝ արդեն իսկ ձևավորված պարտավորությունների համար, ավարտական կուրսում սովորող ուսանողների համար շահառուի սոցիալական փաթեթի միջոցներից գումարի միանվագ փոխանցման հնարավորություն»,-կառավարության այսօրվա նիստում նշեց ՀՀ աշխատանքի և սոցիալական հարցերի նախարար Արտեմ Ասատրյանը : Նշենք,որ սոցփաթեթի հատկացման պրակտիկայում ի հայտ եկած որոշ խնդիրների իրավական լուծումներն ապահովելու նպատակով կառավարությունն ընդունեց համապատասխան որոշում: «Առաջարկվում է ընդլայնել սոցիալական փաթեթի հիփոթեքային վարկի մարման ծառայության շրջանակը. սոցփաթեթի շահառուներին հնարավորություն տալ սոցփաթեթի գումարն ուղղել նաև «Պետական ծառայողներին մատչելի բնակարան» և «Երիտասարդ ընտանիքին՝ մատչելի բնակարան» ծրագրերի շրջանակում տրամադրված հիփոթեքային վարկերի մարմանը:Սոցփաթեթի շահառուի աշխատանքից ազատվելիս, պարտավորություն ունենալու դեպքում, առաջարկվում է պարտավորությունների չափով գումարը միանվագ փոխանցելու հնարավորություն»,- ասաց նախարարը:
Հետևեք մեզ Viber-ում
