Նախագծերը համաձայնեցվել են շահագրգիռ պետական մարմիների հետ

Կառավարության դեկտեմեբրի 21-ի նիստում Պաշտպանության նախարար Վիգեն Սարգսյանը ներկայացրեց որոշման նախագծեր, որոնցով հաստատվեցին պաշտպանության նախարարության «նշված վայրում եւ պայմաններում զինվորական ծառայություն անցնելու ցանկություն հայտնած շարքային կազմի պարտադիր զինծառայողի հետ պայմանագիր կնքելու կարգը»։ Այն նորակոչիկները, ովքեր ցանկություն կհայտնեն ծառայությունն իրականացնել մարտական հերթապահություն իրականացնող զորամասում, իրավունք կստանան անցնելու ծառայության նոր տեսակի` ժամկետային պայմանագրային: Ըստ այդմ, ծառայությունը կտեւի 3 տարի, սակայն դրանցից գումարային 7 ամիս զինծառայողը կանցկացնի ազատ արձակման մեջ` սկսած 6-րդ ամսվանից, երբ իր ստորաբաժանումը կստանձնի մարտական հերթապահությունը՝ յուրաքանչյուր ամիս ծառայելով 1+1+2 բանաձեւով: Մեկ շաբաթ` արձակուրդում, մեկ շաբաթ` զորամասում, պատրաստվելով մարտական հերթապահության, եւ երկու շաբաթ` առաջնագծում, մարտական հերթապահություն անցկացնելիս: Նախագծերի համաձայն նախատեսվում են Պաշտպանության նախարարության կողմից նշված վայրում եւ պայմաններում զինվորական ծառայություն անցնելու քաղաքացիների դիմումների, ներկայացման, զորակոչի կազմակերպման, նրանց հետ քաղաքացիարավական բնույթի պայմանագրի հետ կապված հարաբերություններըը։ Նախարարի խոսքով՝ որոշումների նախագծերը համաձայնեցվել են շահագրգիռ պետական մարմիների հետ։