Ադրբեջանի ամենամեծ զենքը դուք եք․․․

Սերժ Սարգսյանի երեկվա հարցազրույցից հետո Նիկոլ Փաշինյանը որոշեց ի ջգրու Սերժի՝ ներկայացնել 2025 թվականի ռազմարդյունաբերական համալիրը։ Այսինքն ի չիք դարձրեց իր այն միֆը, որ անվտանգության վերաբերյալ հարցերը չի բարձրաձայնում։  Այլ հարց է, թե դա Ադրբեջանը ոնց կընդունի․  արվում է  չմտածվա՞ ծ, թե՞ սինխրոն համաձայնեցված։ Աշխարհով մեկ հայտարարեց,  թե ինչ ռազմատեխնիկա է ձեռք բերել, եթե իրոք, ձեռք է բերվել։ Ինչու՞ եմ կասկածի տակ դնում, որովհետև առաջինն ինքն է կասկածում, որ ոչ ոք չի հավատա իր ներկայացրած թվերին։

Ե՞րբ է ճիշտ բան ասել, որ․․․

Հայտարարում է․  «ՀՀ քաղաքացիների ցանկացած 50 հոգանոց խմբի (խմբերի), ով կհամաձայնվի կոնֆիդենցիալության պայմանների պահպանմանը, պատրաստ ենք ցույց տալ վերջին տարիներին մեր ձեռք բերած սպառազինությունը եւ տեխնիկան, ներկայացնել ինժեներական նորարարությունները»։ Սա նույն հայտարարությունն է, ինչ անում էր 44- օրյա պատերազմի ընթացքում՝ 50 հոգանոց խմբեր կազմեք․․․ Սա արդեն խայտառակության վերջին կետն է։ Պատկերացրեք ՀՀ քաղաքացիները խմբեր են կազմում և գնում ,, Նիկոլի ասածը ստուգելու,,։ Նույն իրավիճակը կստեղծվի, ինչ 44- օրյա պատերազմում՝ 50 հոգանոց խմբեր ստեղծելը և զինվելը։ Արդյունքը տեսել ենք։ Նրա Ֆեյսբուքյան հայտարարության մեջ մի գրառում կար, որը պատասխանում է բոլոր հարցերին և ՀՀ քաղաքացու մոտ այլևս կասկած չի մնում, որ Հայաստանը՝ ի դեմս Ադրբեջանի,  ռազմական գերազանց համալիր ունի ու տիրապետում է ամենահուժկու զենքի․ «Վարչապետ ջան Ադրբեջանի ամենամեծ զենքը դա դուք եք, որ էդ երեքը (Էրդօղան, Ալիեւ, Փաշազադե) ինչ ասում են,  հեզ ու հնազանդ հարսի պես անում եք։ Մնացածը՝  ի՞ նչ զենք կարտադրեք , թե կգնեք Ալիեվին բացարձակ չի հետաքրքրում»։

Հասմիկ Բաբաջանյան

«Հրապարակ օրաթերթ»