Հազար տարվա ընկեր ենք, անկեղծ ասա, դու իմ կնոջ հետ հարաբերություններ ունես. ԱԺ-ում շարունակվում է զավեշտը

Այսօր Ազգային ժողովում շարունակում է արտահերթ նիստը: «Ելք» խմբակցության քարտուղար Գևորգ Գորգիսյանը  նախ Հանրային ՀԸ-ից պահանջեց ներողություն խնդրել երեկվա հարցի վերաբերյալ սխալ լուսաբանման համար, ապա հորդորեց ՀՀԿ-ական, Պետաիրավական հարցերի հանձնաժողովի նախագահ Հրայր Թովմասյանին պարզաբանել, թե ինչպես Արդարադատության նախարարը նրան սխալ հանեց՝ ասելով, որ օրենքը սահմանադրական չէ: Նույն խմբակցության անդամ Արարատ Միրզոյանի խոսքով երեկվա տեղի ունեցածը իրեն հիշեցնում է «Կարգին հաղորդման» սքետչներից մեկը, երբ  երկու ընկեր զրուցում են, մի ընկերն ասում է՝ հազար տարվա ընկեր ենք, անկեղծ ասա, դու իմ կնոջ հետ հարաբերություններ ունես, ընկերը խոստովանում է՝ այո: «Ասում է՝ շատ վատ է, ընկերն էլ ասում է՝ դե կողմնորոշվի, մեկդ ասում եք՝ լավ ա, մեկդ ասում եք՝ վատ ա»,-պատմեց պատգամավորը: