Ես ոչ մեկի խաղալիքը չեմ. որոշել էին կողմ քվեարկե՞լ

Ես ոչ մեկի խաղալիքը չեմ, ամեն մարդ ինքը գիտի՝ ոնց քվեարկի: Այսօր լրագրողների հետ զրույցում նման հայտարարություն արեց «Ծառուկյան» խմբակցության պատգամավոր Նապոլեոն Ազիզյանը՝ անդրադառնալով այսօր Դատական օրենսգրքում փոփոխություններ կատարելու մասին նախագծի քվեարկության ժամանակ խորհրդարանում բարձրացած աղմուկին: «Բայց ես գնացի, քարտուղարությանը տեղյակ պահեցի, որ չէի քվեարկել, ձեռքս ուղղակի կպավ։ Ասեցին գնա, հայտարարություն արա, որ չես քվեարկել, մինչև եկա, էդ թեման փակեցին, պրծավ: Ես իմ խառնվածքով ընդդիմություն եմ միշտ, բոլոր ժամանակներում, բայց ես ընենց ընդդիմություն չեմ, որ սև ակնոցներ դնեմ, լավին էլ ասեմ վատ, վատին էլ ասեմ վատ։ Առավոտյան ֆրակցիայում ասել են, որ մենք այդ օրենսդրական նախաձեռնությանը կողմ ենք քվեարկելու», – ասաց նա։