Չավուշօղլուն՝ հայ-թուրքական հարաբերությունների նորմալացման պայմանի մասին

Թուրքիայի արտաքին գործերի նախարար Մևլութ Չավուշօղլուն  հայտարարել է, որ հայ-թուրքական արձանագրությունները չեն վավերացվի, քանի դեռ Թուրքիայի առաջ քաշած նախապայմանները չեն կատարվի:«Արձանագրությունների ստորագրումից անմիջապես հետո Անկարան հետ կանգնեց պայմանավորվածություններից՝ ոչ միայն մերժեց վավերացնել դրանք, այլև վերադարձավ նախապայմանների լեզվին, որը նա օգտագործում էր մինչև գործընթացի մեկնարկը: Անկարան չի խորշում ևս մեկ անգամ կրկնել իր նախապայմանները, կապելով հայ-թուրքական հարաբերությունները Լեռնային Ղարաբաղի հիմնահարցի՝ Ադրբեջանի օգտին լուծման հետ՝ կամայական հղում կատարելով ՄԱԿ-ի Անվտանգության խորհրդի բանաձևերին, որոնք որևէ առնչություն չունեն կարգավորման բանակցային գործընթացի հետ։ Բոլորին է հայտի, որ Արձանագրություններում ղարաբաղյան հակամարտության կամ որևէ նախապայմանի մասին խոսք անգամ չկա։ Ստորագրումից հետո, վերստին նախապայմանների լեզվին վերադառնալով, Թուրքիան դեմ գնաց միջազգային հանրությանը, որն, ինչպես այն ժամանակ, այնպես էլ այսօր աջակցում է հայ-թուրքական հարաբերությունների՝ առանց նախապայմանների կարգավորմանը»: Ինչպես ասել է՝ իրենք կաջակցեն հայ-ադրբեջանական ԼՂ հակամարտության կարգավորման Ադրբեջանի ցանկացած բանաձևի: «Մենք Հայաստանի հետ հարաբերությունների նորմալացման համար մեկ պայման ենք դրել, որը կայանում է Ադրբեջանի տարածքներն ազատելու մեջ։ Դրանից հետո միայն հարաբերությունները կարող են նորմալանալ»,-ասել է Չավուշօղլուն։