ՔՊ-ն թող գնա ձյաձ Ստյոպիկի մոտ «պատարագի»

Հայ Առաքելական Եկեղեցու կանոններով՝ յուրաքանչյուր քահանա պետք է ունենա կարգավիճակ և պաշտոնական իրավունք՝ մատուցելու Սուրբ Պատարագ: Եթե քահանան կարգալույծ է (հրաժարվել է կամ դադարեցվել է քահանայական կարգից), նա իրավունք չունի մատուցելու պատարագ եկեղեցու ներսում: Կարգալույծ քահանայի մատուցած պատարագը չի ճանաչվում օրինական և չի համարվում Սուրբ Պատարագ։  

Եթե կարգալույծ քահանան  հայտարարում է, որ պատրաստվում է մատուցել պատարագ որևէ եկեղեցու ներսում, դա առանց հոգևոր մանդատի և լեգիտիմության, կարող է ընկալվել որպես քաղաքական գործիք կամ Եկեղեցու հեղինակության վրա ազդելու փորձ: Կարգալույծ քահանաները դասվում են աշխարհականների շարքին և ազատվում հոգևոր պարտականություններից:

ՔՊ կուսակցության որոշ անդամներ, այդ թվում՝ կուսակցության ղեկավարը, հրապարակայնորեն հայտարարում են, որ այս կիրակի այցելելու են պատարագի՝ անկախ այն հանգամանքից, որ դա չի համարվում օրինական հոգևոր ծառայություն: Պետք չէ դրանից վրդովվել: Հակառակը՝ կարելի է դիտարկել դա որպես ցույց, որ ներկայիս իշխանությունը՝ իր քահանայով  չեն համընկնում Հայ Առաքելական Սուրբ Եկեղեցու կանոնների հետ:

Դա էլ կարելի է հոգևոր առումով հասկանալ և քննադատության թիրախ չդարձնել։ Այդպիսի հավատացյալներ շատ կան, որոնք հավաքներ, ծիսակարգեր են անում մեր եկեղեցուց դուրս։ ՔՊ-ն ոնց որ թե կհամալրի դրանց շարքը։ Դրա մեջ ոչ մի արտասովոր բան չկա։ Մարդիկ արդեն հումորով ասում են՝ ՔՊ-ն թող գնա   ձյաձ Ստյոպիկի մոտ պատարագի, մկրտվի։ Ինձ թույլ չէի տա հոգևոր մարդուն , թեկուզ կարգալույծ եղած, այդպես դիմել, եթե Ամենայն Հայոց Կաթողիկոսին օրվա իշխանությունն իր վարձկանների միջոցով չնսեմացներ, չհայհոյեր․․․ Դրանց շարքում առանձնահատուկ ծառայություն է մատուցել Ստեփան Ասատրյանը։

Հասմիկ Բաբաջանյան

«Հրապարակ օրաթերթ»