Այդ քայլը բացառում ենք. Արթուր Հովհաննիսյանը՝ փոփոխությունների մասին

ԱԺ-ում Հայաստանի Հանրապետության քաղաքացիական դատավարության օրենսգրքում փոփոխություն և լրացում կատարելու մասին» օրենքի նախագծի քննարկման ժամանակ  ՀՀ արդարադատության փոխնախարար Արթուր Հովհաննիսյանն տեղեկացրեց, որ այսուհետ հնարավորություն է տրվում դատարան դիմել օնլայն: Էլելտրոնային տարբերակով դատարան դիմելու դեպքում անձը ապացույցները կներկայացնի սկանավորված տարբերակով, իսկ հետագայում անհրաժեշտության դեպքում դատարան կբերի բնօրինակները։ «Դատարանի վճիռը էլեկտրոնային եղանակով հնարավոր կլինի հասցնել ԴԱՀԿ։ Սա դուինգ բիզնեսի գործակցի վրա դրական կազդի, որովհետև մենք մի քայլ կրճատում ենք անձի կողմից իր խախտված իրավունքների վերականգնման համար այդ գործողությունները: Այսինքն՝ այլևս անձը դատարանից չի վերցնի տանի ԴԱՀԿ, այդ քայլը բացառում ենք», -տեղեկացրեց նա: