Ռուսաստանն ընտրել է Սերժ Սարգսյանին

ՌԴ Պետդումայի պատգամավոր Կոնստանտին Զատուլինն այսօր «Սպուտնիկ»-ում կազմակերպված տեսակամուրջի ժամանակ, լրագրողների հարցերին ի պատասխան ասաց, որ Հայաստանի Հանրապետությունում կառավարական համակարգի փոփոխությունից հետո երկրի վարչապետի պաշտոնում է տեսնում Սերժ Սարգսյանին:  «Ես տեսնում եմ Սերժ Սարգսյանին ՀՀ վարչապետի դերում այն բանից հետո, ինչ նա կդադարեցնի նախագահական իր լիազորությունները: Չեմ կարող ասել, թե ով կլինի նրա հաջորդը նախագահի պաշտոնում, սակայն կարծում եմ, որ այդ հարցը կլուծվի: Բոլոր խորհրդարաններում չէ, որ որոշումներն ընդունվում են կոնսենսուսով, շատ դեպքերում դրանք ընդունվում են խորհրդարանական մեծամասնության կողմից: Այդ խորհրդարանական մեծամասնությունն այսօր ամուր կերպով պատկանում է Հայաստանի հանրապետական կուսակցությանը, և ես չեմ կանխատեսում որևէ կատակլիզմ նախագահական համակարգից խորհրդարանական համակարգի անցման շրջանում»,- հայտարարեց նա: