«Նիկոլ ջա՜ն, մի նեղվի». Սեյրան Սարոյանը՝Նիկոլ Փաշինյանին
Ազգային Ժողովի այսօրվա արտահերթ նիստի հենց սկզբում պարզվել է, որ պատգամավորների գրանցման էլեկտրոնային համակարգը չի գործում եւ պատգամավորները չեն կարողացել գրանցվել: «Որ էկրան չկա, ո՞նց ես գրանցում»,ասաց ՀՀԿ խմբակցության ղեկավար Վահրամ Բաղդասարյանը :
Սեյրան Սարոյանն էլ էլի տեղից ձեռքով ցույց տվեց էկրանն ու ասաց. «Կինոն չկա, էդ տելեվիզրները միացրեք»:
Ի վերջո, պատգամավորներին հաջողվեց գրանցվել, սակայն պարզվեց գրանցումը նորմալ չի կատարվել, էկրանի վրա բոլորովին այլ պատկեր էր, ինչը առաջ բերեց ներկաների ծիծաղը:
Վարման կարգով ձայն խնդրեց «Ելք» խմբակցության ղեկավար Նիկոլ Փաշինյանը եւ անդրադառնալով բացակաների փոխարեն քվեարկությանն ասաց. «Եթե այսպես շարունակվեց ուրեմն օրենսդրական գործունեությունը կթողենք, կզբաղվենք վերակացուական գործունեությամբ»:
Նրան արձագանքեց Սեյրան Սարոյանը՝ «Նիկոլ ջա՜ն, մի նեղվի»:
Հետևեք մեզ Viber-ում
