Ավրաամ Ռուսսոն իր և Թելման Իսմայիլովի հարաբերությունների մասին

Dni.Ru-ն կրկին անդրադարձել է Ավրաամ Ռուսսոյի ու նրա գեղեցկուհի կնոջ՝ Մորելայի ամուսնալուծությանը։  «Ավրաամ, դու առանց Թելմանի ոչինչ ես, առանց Իոսիֆի դու ոչնչություն ես»,- հայտարարել էր Մորելան։ Նա նկատի ունի պրոդյուսեր Իոսիֆ Պրիգոժինին ու գործարար Թելման Իսմայիլովին։ Հենց նրանք էին ժամանակին օգնել ռեստորանում ելույթ ունեցող սիրիացի Աբրահամ Ժանի Իփջյանյանին տեղափոխվել Մոսկվա ու դառնալ աստղ՝ Ավրաամ Ռուսսո անունով։ Երգիչը կայքի հետ զրույցում ասել է, որ ինքը վախկոտ չէ ու Թելմանից հեռացել է դեռ 2003-ին. «ԵսԹելմանից հեռացել եմ, երբ նա իր կարիերայի գագաթնակետին էր գտնվում որպես գործարար, չեմ գայթակղվել նրա փողերով: Չնայած նա ուժեղ ու ազդեցիկ մարդ էր: Իսկ մյուսները նրա շուրջն էին պտտվում, ծնկի էին իջնում նրա առաջ։ Ամենահայտնի էստրադային աստղերը, ծնկի իջած, Թելմանին ասում էին․ «Դու աստված ես։ Դու ցար ես»։ Իսկ ես նրա առաջ ծնկի չեմ իջել ու չեմ շողոքորթել նրան։ Չնայած նա կարող էր ինձ ջնջել երկրի երեսից»,- ասել է նա: