Ռոուզ Գոթեմյոլլերը գերազանց է գնահատում

ՆԱՏՕ-ի գլխավոր քարտուղարի տեղակալ Ռոուզ Գոթեմյոլլերը Երեւանի պետական համալսարանում ուսանողների հետ հանդիպմանը հայտարարեց . «Ցավում եմ, որ ավելի քան քսանհինգ տարի է անցել, սակայն հակամարտությունը դեռեւս լուծված չէ: Հայաստանի եւ Ադրբեջանի համար սա կարեւոր է միասին աշխատելու հարցում: Ես գոհ եմ, որ վերջերս չորս նախարարները հանդիպեցին Վիեննայում, հոկտեմբերին հանդիպեցին նաեւ նախագահները: Կարծում եմ, որ սա գերազանց է: Ես կարող եմ իմ գոհունակությունը հայտնել, որ Ամերիկայի Միացյալ Նահանգները որպես ԵԱՀԿ Մինսկի խմբի համանախագահ նման բարձր մակարդակով ներգրավված է ՌԴ արտգործնախարար Սերգեյ Լավրովի, ինչպես նաեւ ֆրանսիական կողմի հետ: Ես՝ որպես ՆԱՏՕ-ի նախագահության ներկայացուցիչ, կարող եմ ասել, որ մենք պարզապես հույս ունենք տեսնելու նոր պահ ճգնաժամը լուծելու հարցում»: