Էլեկտրամոբիլային «գռդոն»՝ «պետական» շահով

Էլեկրամոբիլների ներմուծման շուկայում խայտառակ վիճակ է տիրում: 0% ներմուծման մաքսատուրքի արտոնություն ստացել է 7 ընկերություն, մինչդեռ նման գործունեություն է ծավալում 50-ը: Ընդ որում, պաշտոնական ներկայացուցիչները մեծ քանակությամբ ավտոմեքենաներ են ներմուծել ֆիզիկական անձանց անուններով՝ փետրվար ամսին սպառելով քաղաքացիների եւ կազմակերպությունների համար նախատեսված 5000 քվոտան:

Իսկ էկոնոմիկայի նախարարությունը ի դեմս Գեւորգ Պապոյանի՝ չի ցանկանում չսպառված շուրջ 2000 քվոտան բաժանել այն մարդկանց եւ ընկերությունների միջեւ,որոնք մեքենաները գնել էին՝ հաշվարկելով արտոնյալ մաքսազերծումը, բայց այժմ հայտնվել են փաստի առաջ ու ստիպված են եղել մեքենաները մաքսազերծել առանց որեւէ արտոնության։

Կոպիտ հաշվարկներով արտոնյալ ներմուծողների պարագայում շուրջ 600մլն դոլարի մասին է խոսք գնում: Իսկ արտոնություններ,ինչպես գիտենք, առանց ՔՊ-ական տանիքի չի լինում: