Դանիլը իմ անունից վարկ էր վերցրել. Ուլյանա Սերգեյենկոն՝ հայ մեծահարուստ ամուսնուց բաժանման մասին. լուսանկար

Բաժանումից հետո Ուլյանան տեղափոխվում է իր հին տունը՝ իմանալով, որ սառնարանը դատարկ է։ Առաջին օրերին ընկերները նրան ուտելիք էին ուղարկում՝ կաթնաշոռ, միս։ «Մի ունեցիր հարյուր ռուբլի, այլ ունեցիր հարյուր ընկեր». իսկապես այդպես է, ասում է Ուլյանան՝ հիշելով, որ առաջին օրերին ընդհանրապես փող չուներ։ «Չկար կուտակված գումար, ոչինչ։ Մենք նոր էինք Փարիզի ցուցադրությունն ավարտել եւ պարտքեր կուտակել։ Բացի այդ, պետք է «Ռոսգոսստրախ»-ի վարկերը մարեինք, որովհետեւ Դանիլը իմ անունից վարկ էր վերցրել»,- պատմում է նա։ Աստիճանաբար ամեն բան իր տեղն ընկավ։ Հաճախորդներից եւ ընկերներից ոմանք պարտքով գումար տվեցին, Ուլյանան իր թանկարժեք զարդերից մի քանիսը վաճառեց։ Բարեբախտաբար նա ստիպված չեղավ դատարկել իր ողջ զարդատուփը. նրա թիմը ջանասիրաբար սկսեց աշխատել եւ հաջողությունների հասավ։ Այժմ հայտնի դիզայները խոստովանում է, որ ապահարզանը դարձավ իր կարիերայի աճի հիմքը։ «Նախկինում մենք այլ կարծիք ունեինք մեր մասին. մեր հետեւում մեջք կար, իսկ երբ դու զրկվում ես դրանից, ստիպված ես ինքդ ամենի համար պատասխան տալ։ Իհարկե, դրան պետք է սովորել, բայց հիմա ես այնքան եմ հպարտ եմ ինձնով։ Ես պատասխանատու եմ երեխաների համար, արտադրանքի համար»,- նշում է Ուլյանան՝ խոստովանելով, որ սթրեսի ժամանակ ավելի լավ է սկսել աշխատել։ Սերգեյենկոն փորձում է ձեւացնել, ասես մոռացել է, թե ինչ բան է լինել օլիգարխի կին։ «Ես այնքան եմ տարվել այլ գործերով, որ իմ կյանքն այլ է։  Դանիլի հետ ամուսնությունը պարզապես իմ կենսագրության մի մասն է։  Իհարկե, իմ մեջ մնացել են «թագավորական» սովորությունները։ Օրինակ՝ ինձ համար կարեւոր է հարմարավետությունը։ Հիմա ինձ համար ավելի լավ է նստել տանը երեխաներիս հետ, քան գնալ մի միջոցառման, որտեղ ինձ հետաքրքիր չէ»,- ասում է նա։