Ատամները տեղում են․ Սպերցյանը լուսանկար է հրապարակել

«Կրասնոդարի» և Հայաստանի ազգային հավաքականի կիսապաշտպան Էդուարդ Սպերցյանն Instagram-ի story բաժնում տեղադրել է լուսանկար, որում երևում է, թե ինչպես է նա բժշկական զննում անցնում ատամնաբուժական կենտրոնում:

Հոկտեմբերի 4-ին Ռուսաստանի Պրեմիեր լիգայի 2025/2026 մրցաշրջանի 11-րդ տուրում «Կրասնոդարը» տանը 2:0 հաշվով առավելության է հասել «Ախմատի» նկատմամբ։ 25-ամյա Սպերցյանը խաղը սկսել է հիմնական կազմում, դարձել մեկ գոլային փոխանցման հեղինակ և փոխարինվել 89-րդ րոպեին։ 85-րդ րոպեին Նդոնգը ուսով հարվածել է Սպերցյանի ծնոտին, ինչի հետևանքով սենեգալցի խաղացողը հեռացվել է խաղադաշտից, իսկ Սպերցյանը ստացել է դեղին քարտ՝ սադրանքի համար։

Հանդիպումից հետո Նդոնգը մեղադրել է Սպերցյանին ռասիստական արտահայտություններ օգտագործելու մեջ։ Հայաստանի հավաքականի ֆուտբոլիստը հերքել է մեղադրանքները՝ ընդգծելով, որ պատրաստ է պաշտպանել իր պատիվը։

Ավելին՝ armsport.am