Եթե ասեն՝ Ալիևը չի անում, Թրամփն ասելու է՝ հիասթափված եմ Ալիևից և սրանով վերջանալու է․ Քոչարյանը ստորագրված փաստաթղթի կարևորության և բացասական կողմերի մասին

Եթե նոյեմբերի 9–ի փաստաթուղթը համեմատենք այսօր եղածի հետ, այն երազանքի փաստաթուղթ նույնիսկ կարելի է անվանել։ Այս մասին այսօր՝ հոկտեմբերի 7–ին, մամուլի ասուլիսի ժամանակ նշեց ՀՀ երկրորդ նախագահ Ռոբերտ Քոչարյանը։

«Այդ փաստաթուղթը ենթադրում էր նաև Արցախի գոյությունը։ Վաշինգտոնի փաստաթղթի հետ կապված, ԱՄՆ–ն այն երկիրը չէ, որի հետ կարելի է ստորագրել մի փաստաթուղթ, և 2 ամիս կամ 6 ամիս հետո չեղարկել, ասել՝ չենք ընդունում։ Բավական դժվար է։

Կարող է ստեղծվել մի վիճակ, որ օրինակ, Երասխի կտորը չի կառուցվում Ադրբեջանի կողմից և ԱՄՆ–ն որեւէ լծակ չունի պարտադրելու, որովհետեւ պայմանագրերով նման բան ֆիքսված չէ։ Եթե հայտնի հեռախոսով, վոթսափով զանգեն Թրամփին, ասեն՝ Ալիևը չի անում։

Թրամփն ասելու է՝ հիասթափված եմ Ալիևից։ Սրանով վերջանալու է, որովհետեւ այլ մեխանիզմներ այդ փաստաթղթում չկան»,– ընդգծեց նա։