Հատուկ գործողությունն են իրականացվել Նարդարանում. կա 32 ձերբակալված

Ադրբեջանի իրավապահ մարմինները հերթական հատուկ գործողությունն են իրականացրել Բաքվի մոտ գտնվող Նարդարան ավանում։ Այդ մասին լրատվամիջոցին հայտնել են ավանի բնակիչները, հայտնում է ադրբեջանական Trend լրատվական գործակալությունը: Նրանց խոսքով՝ այդ գործողությունն անցկացվել է մարտի 1-ին։ Դրա ժամանակ ձերբակալվել և ոստիկանատուն է տարվել 32 մարդ։ Բնակիչները հայտարարել են, որ նոր հատուկ գործողության անցկացման համար պատճառ է հանդիսացել ավանի փողողներում “Allahu Əkbər”, “Ya Əli” և “Ya Hüseyn” գրությունների հայտնվելը։ 32 ձերբակալվածից 24-ին ազատ են արձակել ցուցմունք տալուց հետո, 8 մարդ 20 օրով վերցվել է վարչական կալանքի։