«Գրին քարտ» վիճակախաղով ԱՄՆ են ներխուժում աղբի նման դուրս նետված մարդիկ. Թրամփ
ԱՄՆ նախագահ Դոնալդ Թրամփը Կոնգրեսին կոչ է արել դադարեցնել «Գրին քարտ»-ի վիճակախաղը՝ այն փոխարինելով արժանիքների վրա հիմնված ներգաղթով: Այս մասին նա հայտարարել է Վիրջինիա նահանգի ՀԴԲ ազգային ակադեմիայում իր ելույթի ժամանակ, գրում է Սպիտակ տան կայքը: «Վիճակախաղ կա: Դուք ընտրում եք մարդկանց: Ինչ է` կարծում եք, որ երկիրը մեզ տալիս է լավագույնների՞ն: Իհարկե ո՛չ: «Այդ ի՞նչ համակարգ է: Նրանք ժամանում են վիճակահանության շնորհիվ: Նրանք մեզ տալիս են իրենց ամենավատ մարդկանց, նրանք դեն են նետում նրանց աղբի նման: Շնորհավորում ենք, դուք Ամերիկայի Միացյալ Նահանգներ եք գնում: Այդ ի՞նչ համակարգ է»,- ասել է Թրամփը: ԱՄՆ նախագահը հավելել է, որ իր վարչակազմը կոչ է արել Կոնգրեսին վերջ դնել այդ «շղթայական միգրացիային»: Ավելի վաղ Թրամփը հայտարարել է, որ ամերիկյան «Գրին քարտի»՝ ԱՄՆ-ում մշտական բնակության և աշխատանքի իրավունքի խաղարկության համակարգը հնացել է և մոտ ապագայում պետք է վերանա: Դրան փոխարինող նոր համակարգը Միացյալ նահանգներ ներգաղթելու հնարավորություն կտա առավել կրթված և հմուտ անձնավորություններին:
Հետևեք մեզ Viber-ում
