Լապշինին Բաքու են հասցրել Ադրբեջանի առաջին տիկնոջ ինքնաթիռով
Բաքվի բանտից դուրս պրծած բլոգեր Ալեքսանդր Լապշինը BBC-ին հարցազրույց է տվել` միաժամանակ հեռուստատեսության, ռադիոյի եւ կայքի համար: Հարցազրույցի ժամանակ մանրամասներ է պատմել Բելառուսում իր ձերբակալության, բանտի պայմանների, կաշառքների մասին: Եվ այն մասին, թե ինչպես են իրեն Բաքու հասցնելու համար Ադրբեջանի առաջին տիկնոջ ինքնաթիռն ուղարկել,գրել է նա ֆեյսբուքի իր էջում: Ավելի վաղ Լապշինը հերթական գրառումն էր կատարել իր բլոգում, որում նշվում է` Ադրբեջանի ԶԼՄ-ները սկսել են հաշվարկել ռուս բարձրաստիճան պաշտոնյաների հայկական արյան չափաբաժինը եւ սկսել են ՌԴ ԱԳ նախարար Սերգեյ Լավրովից: «Ընկերներ, հավատացեք, որ ինչպես եւ ձեզ մոտ, այնպես էլ ինձ մոտ սրտխառնոց է առաջացնում Ադրբեջանի մասին հիշատակումը: Բայց բաքվեցի իմ ընկերները մի հոդված են մատնացույց արել, որը բաց թողնել չի կարելի: Վրդովված լինելով այն հանգամանքով, որ ՌԴ-ն պաշտպանում էր իմ շահերը, երբ ես ապօրինի պահվում էի Բաքվում, Ադրբեջանի իշխանություններն իրենց ԶԼՄ-ների միջոցով սկսել է ցեխ շպրտել Ռուսաստանի ղեկավարության վրա: Սկզբում նրանք վիրավորում էին ՌԴ ԱԳՆ պաշտոնական ներկայացուցիչ Մարիա Զախարովային, իսկ հիմա, ահա, հասել են Սերգեյ Լավրովին՝ անվանելով նրան «ռուսաստանյան հայկական արտգործնախարար»:
Հետևեք մեզ Viber-ում
