ԱՄՆ դեսպանատունը համագործակցում է ԱԱԾ-ի հետ՝ ահաբեկչության համար հետախուզվողի գործով
Միացյալ Նահանգների դեսպանատունը համագործակցում է Հայաստանի իրավապահ մարմինների հետ՝ ԱՄՆ քաղաքացու կողմից Հայաստանում ահաբեկչություն կազմակերպելու գործով հետաքննության շուրջ: Այս մասին «Ինտերֆաքս»-ին ասել են ԱՄՆ դեսպանատնից: «Մենք այդ գործով աշխատում ենք Հայաստանի իրավապահների հետ, քննության շահերից ելնելով՝ այս պահին չենք կարող հավելյալ մանրամասներ տրամադրել», -ասել են դեսպանատնից: Հիշեցնենք, որ ԱԱԾ-ն հաղրոդագրություն էր տարածել՝ նշելով, որ ՀՀ կառավարությանն առընթեր ազգային անվտանգության ծառայության կողմից իրականացված օպերատիվ-հետախուզական միջոցառումների եւ քննչական գործողությունների արդյունքում պարզվել է, որ ազգությամբ հայ, ԱՄՆ քաղաքացի Ռ.Ք.-ն 2017 թվականի սեպտեմբերին «Ֆեյսբուք» սոցիալական ցանցում գրանցել է «Martin Avagyan» օգտատիրոջ կեղծ տվյալներով անհատական էջը, որի միջոցով հրապարակել է նյութեր` «Մարտիկներ հանուն արդարության» անվանմամբ խմբավորում ձեւավորելու, խմբավորման գործունեության մարտավարության, դրա անդամների կարգապահության, անվտանգության եւ գաղտնապահության կանոնների մասին: ԱԱԾ մամուլի կենտրոնի տարարծ հաղորդագրությունն ամբողջությամբ՝ այստեղ
Հետևեք մեզ Viber-ում
