Հաստատվեց վարկային համաձայնագիր ընդունելու որոշումը

Կառավարությունն այսօրվա նիստին Ֆինանսների փոխնախարար Դավիթ Անանյանը ներկայացրեց Հայաստանի Հանրապետության և Վերականգնման վարկերի բանկի միջև «Ջրային ռեսուրսների համալիր կառավարում» ծրագրով 18 միլիոն 500 հազար եվրո արժողությամբ վարկային համաձայնագիրը։Ինչպես տեղեկացրեց՝  սա վարկային համաձայնագրի երկրորդ փուլն է, որով պետք է վերականգնվի Կումայրի ոռոգման ջրատարի թունելը, կառուցվի խողովակաշարի համակարգ, որի արդյունքում կապահովվի մոտ 740 հեկտար տարածքի առավել արդյունավետ ոռոգում: Նշենք, որ առաջին փուլով տրամադրվել է 50 միլիոն եվրո։ Ըստ վարկային համաձայնագրի արձանագրության՝ վարկը տրամադրվում է մինչև 15 տարի մարման ժամկետով, որից մինչև 5-ը՝ արտոնյալ, մայր գումարը մարվելու է՝ սկսած 2023թ. մայիսի 15-ից և ավարտվելու 2033թ. նոյեմբերի 15-ին։