Եթե Մկոն աջակցում է այս իշխանությանը՝ ևս մեկ կարևոր անձ կդադարի շատերի համար գոյություն ունենալ…
Նախկին պատգամավոր Արսեն Ջուլֆալակյանը ֆեյսբուքյան իր էջում գրում է․
Մկոյին վաղուց եմ ճանաչում և շատ գնահատում եմ նրա գործունեությունը:
Վերջին անգամ հանդիպել ենք հենց ՀանդԱրտում՝ «Ցանկապատը» ներկայացումը դիտելիս: Հրաշալի ներկայացում, հիասքանչ դերասանական խաղ:
Շատ տպավորված էի, հուզված. ներկայացման մեջ հաճախ արտացոլվում է այսօրվա իրականությունը՝ հողատու, ազգակործան իշխանությամբ հանդերձ:
Մոտեցել և շնորհակալություն եմ հայտնել արած կարևոր գործի համար՝ համարելով, որ այդ կերպ նա և նրա գործընկերները պայքարում են քպ կոչվող ուռուցքի դեմ (գլխավոր դերասաններից մեկը հաստատել է դա՝ «սյունյաց» բառապաշարով…):
Վստահեցնում եմ, հանդիսատեսի մեծ մասը այդ ներկայացման մեջ տեսնում և տեսնելու է դավաճան այս իշխանությանը:
Եթե Մկոն և նրա գործընկերներն այդ նպատակը չեն հետապնդում, առնվազն արդար կլինի փոխել սցենարը, ինչը որ շատ տեղին խորհուրդ տվեց հայտնի հանցագործը (հաստատ, ինքը ևս իրեն է տեսել ներկայացման մեջ):
Ոչ պաշտպանում եմ Մկոյի արարքը, ոչ էլ քննադատում: Ուղղակի,եթե հաշտ է այս իշխանության հետ, առավել ևս աջակցում է՝ ևս մեկ կարևոր անձ կդադարի շատերի համար գոյություն ունենալ…
Մեծ թվով ընկերներ, մոտիկներ և ծանոթներ են վերացել վերջին տարիներին, որի պատճառով շատ բարդացել է այս միջավայրում ապրել. միևնույն է, անչափ ցավոտ է ամեն անգամ ևս մեկին կորցնել և բացահայտել, որ նորից սխալվել ես որևէ անձի հարցում:
Հուսամ Մկոն առիթը կօգտագործի և կարտահայտի իր իրական դիրքորոշումը:
Հեշտ չէ մտավորական լինել։
Հիշեցնենք՝ սեպտեմբերի 15-ին, Նիկոլ Փաշինյանը հրապարակել էր տեսանյութ, որտեղ Մկրտիչ Արզումանյանն աջակցել էր Փաշինյանի քաղաքականությանը, ըստ որի՝ Արցախն Ադրբեջան է, իսկ Արևմտյան Հայաստանի մասին մտածել պետք չէ։ Դերասանին քննադատել էին համացանցում։ Ի պաշտանություն Արզումանյանի՝ աջակցության խոսքեր էր հայտնել նաև ՔՊ-ական Վահագն Ալեքսանյանը։
Հետևեք մեզ Viber-ում
