Դիանա Գասպարյանը մի պատմությունից չպրծած՝ մյուսի մեջ է ընկնում

Էջմիածնում չարաշահումների քրեական գործով մեղադրյալի կարգավիճակ ունեցող Էջմիածնի նախկին համայնքապետ ՔՊ-ական Դիանա Գասպարյանին Կոռուպցիայի կանխարգելման հանձնաժողովը հայտարարել է բանավոր դիտողություն՝ ազատելով վարչական պատասխանատվությունից։ Ըստ հանձնաժողովի՝ Դիանա Գասպարյանի կողմից 2024 թվականի հայտարարագիրը հանձնված եւ հրապարակված չէ հայտարարագրերի ցանկում։ Հանձնաժողովը դեռեւս այս տարվա ապրիլի 7-ին այն ժամանակվա Արմավիրի մարզպետ Արգիշտի Մեխակյանին է դիմել՝ փոխօգնության կարգով՝ խնդրելով ծանուցումները տրամադրել մարզի պաշտոնատար անձանց, ապրիլի 8-ին Դիանա Գասպարյանը ստացել է համապատասխան ծանուցումը, սակայն 30-օրա ժամկետում հայտարարագիրը կրկին չի ներկայացրել։ Դիանա Գասպարյանը մի քանի անգամ դիմել է ԿԿՀ-ին՝ խնդրելով հետաձգել  նիստը, ինչը բավարարվել է, վերջին նիստը նշանակվել է սեպտեմբերի 5-ին, որին Գասպարյանը կրկին չի ներկայացել եւ նրա բացակայությամբ հանձնաժողովը քննել է գործը, որոշում կայացրել։

Հանձնաժողովը նշել է նաեւ, որ Գասպարյանի հայտարարագիրը գործի քննության օրը հանձնվել է հանձնաժողովին, այսինքն՝ նախկին պաշտոնյան ժամկետներն է խախտել։

Փաստենք, որ ԿԿՀ-ն մեղմ է գտնվել ՔՊ-ականի նկատմամբ, նմանատիպ դեպքերում հանձնաժողովը վարչական պատասխանատվության է ենթարկում անձանց՝ 200 հազար դրամի չափով։ Օրինակ՝ մենք գրել էինք, որ վերջերս հայտարարագիրը  համապատասխան ժամկետում չներկայացնելու համար 200 հազարով տուգանվել է փաստաբան Հայկ Ալումյանը։

Հիշեցնենք, որ նախկին համայնքապետի և նրա ընտանիքի շուրջ աղմկահարույց պատմությունների պակաս չկա։ Հիշեցնենք, որ Գասպարյանի ամուսնու ընտանիքը Էջմիածնում առանձնատների կառուցման բիզնես էր սկսել առանց շինթույլտվության, բացի այդ, համայնքապետի ընտանիքին 1.2 հեկտար հող անցել էր կասկածելի հանգամանքներում. Արաքս համայնքի ավագանու ՔՊ-ական անդամ Շահեն Շահինյանը հողը գնել էր Վաղարշապատի համայնքապետարանի աճուրդից, ապա օտարել Վաղարշապատի քաղաքապետի սկեսրոջը պատկանող «Նարե պլյուս» ընկերությանը։ Այս տվյալների հիման վրա Հակակոռուպցիոն կոմիտեում նախաձեռնվեց քրեական վարույթ, Դիանա Գասպարյանը հարցաքննվեց, նրան եւ իր ընտանիքի անդամներին մեղադրանք առաջադրվեց։ Ամիսներ առաջ էլ հայտնի դարձավ, որ Գասպարյանի ամուսնու ընտանիքին պատկանող գազալցակայանում տեղի է ունեցել սպանություն, կասկածյալը Գասպարյանի ամուսնու ընկերն է, որը փախուստի մեջ է:

hraparak.am

դիտվել է 472 անգամ
Լրահոս
Իշխանություններին կոչ ենք անում զերծ մնալ նման սադրանքներից «Հայաստանում իշխանափոխությունը հնարավոր է երկու ճանապարհով՝ արտաքին և ներքին». Հակոբ Բադալյան Գեղարքունիքի մարզում երկու անչափահաս «Ինֆինիտի»-ով վթարի են ենթարկվել. կա մեկ զոհ «Սպառվել է «հեղափոխական» բանանի մոգական ուժը». Կարեն Հեքիմյան Մեքենաները բախվել են ձիերի, կան ծանր վիրավորներ 18-ամյա աղջիկը մահացել է Ադրբեջանում հաստատում են իմ ասածը․ Տաթևիկ Հայրապետյան Պուտինի թոռանը մոր ազգանունն են տվել, քանի որ երեխայի հոր ազգանունը Զելենսկի է Մելիքյանը՝ Լատվիայի հետ խաղի մասին ՌԴ հակաօդային պաշտպանության ուժերը ոչնչացրել են 230 ուկրաինական անօդաչու թռչող սարք Ռուսաստանի պատասխանը ԱՄՆ-ին Մոպեդավարն ու ուղևորը ԲԿ-ում են Հայաստանի և Լատվիայի հավաքականները չպարզեցին հաղթողին Ազատ են արձակել գերեվարված 600 եմենցի զինծառայողի Գավառում բախվել են «Jeep»-ը և «Lada»-ն, վերջինը հայտնվել է դաշտում․ կա վիրավոր Էստոնիան կփակի Ռուսաստանի հետ սահմանը Լատվիա – Հայաստան․ Ֆուտբոլիստների գնահատականները «Կյանքը բումերանգ է». փաստաբանը հիշել է մի դրվագ Չեմ կարող չանդրադառնալ նաև հրեշավոր ընտրակեղծիքներին Մեկնարկել է մինչև երկու տարեկան երեխայի խնամքի նպաստի վճարման գործընթացը Հորմուզի նեղուցում երկու նավթատար նավ է խորտակվել Արտակարգ դեպք․ «Վաղարշապատ» ԲԿ-ի տարածքում առողջ և հաստաբուն ծառերի սպանդ է իրականացվել Տեղի կունենա Անդրանիկ Թևանյանի և Արեգնազ Մանուկյանի գործով հերթական դատական նիստը
Ամենաընթերցվածները
Շուտով
Նոյեմբերի 16-ին՝ ժամը 16։30-ին, Հայելի ակումբի հյուրն է Հայկ Նահապետյանը Նոյեմբերի 16-ին՝ ժամը 15։00-ին, Հայելի ակումբի հյուրն է Նաիրա Զոհրաբյանը Նոյեմբերի 13-ին՝ ժամը 14։00-ին, Հայելի ակումբի հյուրն է Լարիսա Ալավերդյանը Նոյեմբերի 13-ին՝ ժամը 13։00-ին, Հայելի ակումբի հյուրն է Աշոտ Անդրեասյանը Նոյեմբերի 13-ին՝ ժամը 12։30-ին, Հայելի ակումբի հյուրն է Խաչիկ Մանուկյանը Նոյեմբերի 13-ին՝ ժամը 10։30-ին, Հայելի ակումբի հյուրն է Տիգրան Չոբանյանը Նոյեմբերի 12-ին՝ ժամը 14։00-ին, Հայելի ակումբի հյուրն է Անաստաս Իսրայելյանը Նոյեմբերի 12-ին՝ ժամը 13։00-ին, Հայելի ակումբի հյուրն է Դերենիկ Մալխասյանը Նոյեմբերի 12-ին՝ ժամը 12։00-ին, Հայելի ակումբի հյուրն է Նարինե Դիլբարյանը Նոյեմբերի 12-ին՝ ժամը 11։00-ին, Հայելի ակումբի հյուրն է Կարինե Նալչաջյանը
Հետևեք մեզ Viber-ում https://cutt.ly/5wn8sJBS
Hayeli.am