Թրամփը փորձելու է անօդաչուների պատմությունն օգտագործել եվրոպացիների հանդեպ հոգեբանական գրոհի համար. Հակոբ Բադալյան
Քաղաքական վերլուծաբան Հակոբ Բադալյանը տելեգրամի իր ալիքում գրել է․
«Թրամփի բազմիմաստ գրառումը:
ԱՄՆ նախագահ Թրամփը իր սոցցանցի էջում գրառում է արել Լեհաստանի օդային տարածքը ռուսական անօդաչուներով հատելու դեպի առիթով: «Ռուսական անօդաչուները հատել են Լեհաստանի տարածքը: Սկսվեց», գրառում է արել Թրամփը:
Բազմիմաստ է, ինչ խոսք, ինչպես Թրամփի գրառումների մի զգալի մասը, կամ ինչպես «Դատաստանի օրվա ռադիոն» ՝ ԽՍՀՄ-ից եկող այդ խորհրդավոր բզզոցը, որը երբեմն-երբեմն ընդհատվում է ինչ որ բառերով, առաջացնելով խորհրդավոր ընկալումներ:
Ի դեպ, ԽՍՀՄ տարիներից եկող ռուսական ռազմական այդ ռադիոկայանը, որ պարզապես բզզում է 24 ժամ և շատ ամիսների կամ շաբաթների ընդմիջումով եթեր հեռարձակում ինչ որ «կոդային» բառեր, վերջին անգամ այդպիսի բառեր հեռարձակել է սեպտեմբերի 8-ին: Առավոտյան այդ կայանի եթերում բզզոցը ընդհատվել էր «դիմոսկալպ» բառով, իսկ երեկոյան՝ «հոթել» և «լարյոկ» բառերով:
Թրամփի գրառումները երբեմն իրենց խորհրդավորությամբ չեն զիջում այդ «խորհրդավոր» ռադիոյին:
Իհարկե չեմ ուզում հայտնվենք դավադրապաշտության գրկում, բայց Թրամփի գրառման տոնայնությունը հուշում է, որ նա թերևս փորձելու է անօդաչուների այս պատմությունն օգտագործել եվրոպացիների հանդեպ առնվազն հոգեբանական գրոհի համար: Հատկանշական է, որ նախօրեին Թրամփը խոսել էր Պուտինի հետ մոտալուտ հեռախոսազրույցի մասին»:
Հետևեք մեզ Viber-ում
