Ինչո՞ւ վրացական իշխանությունները արգելեցին ադրբեջանցի ուսանողի մուտքը երկիր

Օրեր առաջ ադրբեջանցի ուսանող, լրագրող Ջավիդ Ախմեդովին թույլ չեն տվել մուտք գործել Վրաստան. նա սովորում է Թբիլիսիի համալսարաններից մեկում։

Սկզբում նրան Վրաստան մուտքը մերժելու պատճառը նրա նկատմամբ կիրառված տուգանքներն էին, սակայն ավելի ուշ ասացին, որ «նույնիսկ եթե տուգանքը վճարեք, ձեզ, միևնույն է, թույլ չեն տա մուտք գործել երկիր»։

«39 աստիճան ջերմությամբ և կոկորդի ցավով ես ժամանեցի Վրաստան և անմիջապես ստիպված եղա վերադառնալ։ Պարզվեց, որ տուգանքը ոչ թե 5000 լարի էր, այլ՝ 10000։ Ես ասացի. «Այսօր կվճարեմ, մի քիչ ժամանակ տվեք»։ Մոտ կես ժամ անց նրանք եկան և ասացին. «Նույնիսկ եթե տուգանքը վճարեք, ձեզ, միևնույն է, թույլ չեն տա մուտք գործել երկիր»։ Երբ հարցրի պատճառը, նրանք որևէ բացատրություն չտվեցին, պարզապես կրկնեցին. «այլ պատճառներով»։ Բոլոր ոստիկանները հերթով նայում էին անձնագրումս գտնվող իմ ամերիկյան վիզաներին և լուրջ դեմք էին ընդունում, կարծես դա մեծ խախտում լիներ։ Հիմա ես նստած եմ Ստամբուլի օդանավակայանում», - ասաց Ջավիդ Ախմեդովը։

Ինչո՞ւ Վրաստանի իշխանությունները նման կոշտ ձևով վարվեցին այս լրագրողի հետ, հայտնի դարձավ, երբ պարզվեց, թե որտեղ էր սովորում սույն ադրբեջանցի երիտասարդը: Պարզվեց, որ նա GIPA-ի սան էր:

Թբիլիսիում գործում է Վրաստանի հանրային կապերի ինստիտուտ (GIPA):

Այն հիմնադրվելէ 1994 թվականին, որտեղ կրթական ծրագրերի թվում են հանրային հարաբերությունները, լրագրությունը, տեղական կառավարումը և միջազգային հարաբերություններն ու միջազգային իրավունքը։ GIPA-ն Վրաստանի երեք ամենահեղինակավոր համալսարաններից մեկն է՝ Թբիլիսիի ազատ համալսարանի և Թբիլիսիի պետական համալսարանի հետ համատեղ։

Այն համարվում է Հարավային Կովկասի տարածաշրջանի մեդիա ոլորտի ամենահայտնի ուսումնական հաստատություններից մեկը, որտեղ բացի Վրաստանի քաղաքացիներից, սովորում են նաև Հայաստանի ու Ադրբեջանի մեծ թվով երիտասարդներ: Ախմեդովը հենց այդ ադրբեջանական քվոտայով էր սովորում GIPA-ում:

Ամեն տարի Հայաստանում և Ադրբեջանում գործող ամերիկյան դեսպանատները հայտարարում են Վրաստանի Հանրային գործերի ինստիտուտի (GIPA) Կովկասյան լրագրության և մեդիա կառավարման դպրոցի մագիստրոսական ծրագրին՝ «Լրագրություն և մեդիա հարաբերություններ» մասնագիտությամբ, ուսանողների ընդունելության մասին։

Հետաքրքիր է, որ այս տարի Վրաստանի Հասարակական գործերի ինստիտուտի (GIPA) հայ ուսանողները հայտնվել են անհավասար պայմաններում նույն կուրսում սովորող ադրբեջանցի ուսանողների համեմատ: Հայաստանում գործող ԱՄՆ դեսպանատունը դադարեցրել է Վրաստանում հայ ուսանողների կրթության և կացության ֆինանսավորումը՝ պահպանելով Ադրբեջանից եկած ուսանողների ֆինանսավորումը:

Վրաստանի իշխանություններին հայտնի էր, թե ինչ աստիճանի էին ներգրավված այս հաստատության սաները անցած տարվա Վրաստանի ներքաղաքական հակամարտության մեջ:

Իշխանություններին հաջողվել է ինչ-որ չափով վերահսկողության տակ վերցնել այդ հաստատության վրացի ուսանողների գործնեությունը, մինչդեռ հայ և ադրբեջանցի ուսանողների գործնեությունը Վրաստանում, դժվար էր վերահսկել, նրանց՝ այլ երկրի քաղաքացի լինելու պատճառով:

Հաշվի առնելով, որ ներկայիս ԱՄՆ վարչակազմը այդպես էլ չարձագանքեց Վրաստանի իշխանության առաջարկներին՝ վերսկսել հարաբերությունները նոր հիմքի վրա, ներկայիս Վրաստանի իշխանությունները որոշել են ավելի ուշադիր հետևել այն կառույցներին, որոնք գործում են արևմտյան կենտրոնների վերահսկողության տակ:

Հենց այդ պատճառով էլ, ադրբեջանցի լրագրողը նկատել էր, որ վրացի ոստիկանները նայում էին իր անձնագրում գտնվող ամերիկյան վիզաներին և լուրջ դեմք էին ընդունում, կարծես դա մեծ խախտում լիներ:

Այս դրվագը ևս մեկ ապացույց է, թե ինչ աստիճանի են հասել Վրաստանում Արևմուտքի հանդեպ պատկերացումների փոփոխությունները:

Հատկապես ուկրաինական դեպքերից հետո, վրացիները հասկացան, որ Արևմուտքում իրենց երկիրը դիտարկում են բացառապես, որպես «մանրադրամ», իսկ վրացիները չէին ուզում կրկնել ուկրաինացիների տխրահռչակ փորձը: Մանավանդ, որ դրա փոքր տարբերակը նրանք տեսան 2008-ին, երբ Ռուսաստանի հետ բախումից հետո, նրանց ոչ ոք առարկայորեն չօգնեց:

Մինչդեռ, դրա արդյունքում, վրացիները գրեթե հավերժորեն կորցրին իրենց տարածքների 20 տոկոսը:

Սա է իրականությունը:

Դավիթ Մկրտչյան
Աղբյուրը՝ Zham.am

դիտվել է 514 անգամ
Լրահոս
Իշխանություններին կոչ ենք անում զերծ մնալ նման սադրանքներից «Հայաստանում իշխանափոխությունը հնարավոր է երկու ճանապարհով՝ արտաքին և ներքին». Հակոբ Բադալյան Գեղարքունիքի մարզում երկու անչափահաս «Ինֆինիտի»-ով վթարի են ենթարկվել. կա մեկ զոհ «Սպառվել է «հեղափոխական» բանանի մոգական ուժը». Կարեն Հեքիմյան Մեքենաները բախվել են ձիերի, կան ծանր վիրավորներ 18-ամյա աղջիկը մահացել է Ադրբեջանում հաստատում են իմ ասածը․ Տաթևիկ Հայրապետյան Պուտինի թոռանը մոր ազգանունն են տվել, քանի որ երեխայի հոր ազգանունը Զելենսկի է Մելիքյանը՝ Լատվիայի հետ խաղի մասին ՌԴ հակաօդային պաշտպանության ուժերը ոչնչացրել են 230 ուկրաինական անօդաչու թռչող սարք Ռուսաստանի պատասխանը ԱՄՆ-ին Մոպեդավարն ու ուղևորը ԲԿ-ում են Հայաստանի և Լատվիայի հավաքականները չպարզեցին հաղթողին Ազատ են արձակել գերեվարված 600 եմենցի զինծառայողի Գավառում բախվել են «Jeep»-ը և «Lada»-ն, վերջինը հայտնվել է դաշտում․ կա վիրավոր Էստոնիան կփակի Ռուսաստանի հետ սահմանը Լատվիա – Հայաստան․ Ֆուտբոլիստների գնահատականները «Կյանքը բումերանգ է». փաստաբանը հիշել է մի դրվագ Չեմ կարող չանդրադառնալ նաև հրեշավոր ընտրակեղծիքներին Մեկնարկել է մինչև երկու տարեկան երեխայի խնամքի նպաստի վճարման գործընթացը Հորմուզի նեղուցում երկու նավթատար նավ է խորտակվել Արտակարգ դեպք․ «Վաղարշապատ» ԲԿ-ի տարածքում առողջ և հաստաբուն ծառերի սպանդ է իրականացվել Տեղի կունենա Անդրանիկ Թևանյանի և Արեգնազ Մանուկյանի գործով հերթական դատական նիստը
Ամենաընթերցվածները
Շուտով
Նոյեմբերի 16-ին՝ ժամը 16։30-ին, Հայելի ակումբի հյուրն է Հայկ Նահապետյանը Նոյեմբերի 16-ին՝ ժամը 15։00-ին, Հայելի ակումբի հյուրն է Նաիրա Զոհրաբյանը Նոյեմբերի 13-ին՝ ժամը 14։00-ին, Հայելի ակումբի հյուրն է Լարիսա Ալավերդյանը Նոյեմբերի 13-ին՝ ժամը 13։00-ին, Հայելի ակումբի հյուրն է Աշոտ Անդրեասյանը Նոյեմբերի 13-ին՝ ժամը 12։30-ին, Հայելի ակումբի հյուրն է Խաչիկ Մանուկյանը Նոյեմբերի 13-ին՝ ժամը 10։30-ին, Հայելի ակումբի հյուրն է Տիգրան Չոբանյանը Նոյեմբերի 12-ին՝ ժամը 14։00-ին, Հայելի ակումբի հյուրն է Անաստաս Իսրայելյանը Նոյեմբերի 12-ին՝ ժամը 13։00-ին, Հայելի ակումբի հյուրն է Դերենիկ Մալխասյանը Նոյեմբերի 12-ին՝ ժամը 12։00-ին, Հայելի ակումբի հյուրն է Նարինե Դիլբարյանը Նոյեմբերի 12-ին՝ ժամը 11։00-ին, Հայելի ակումբի հյուրն է Կարինե Նալչաջյանը
Հետևեք մեզ Viber-ում https://cutt.ly/5wn8sJBS
Hayeli.am