Լարված իրավիճակ դատարանում. «Սասնա ծռեր» խմբի անդամները լքեցին նիստերի դահլիճը
2016թ. Ոստիկանության ՊՊԾ գունդը գրաված եւ մի շարք ծանր հանցագործությունների մեջ մեղադրվող «Սասնա ծռեր» խմբի անդամների գործով այսօրվա դատական նիստում ամբաստանյալներն ընդհանուր հայտարարի չեկան՝ ցանկանո՞ւմ են ներկա լինել գործում առկա փաստաթղթերի հրապարակման փուլին: «Իմ իրավունքները խախտում եք, ես գնում եմ ներքևի խուցը: Ինչ արել ենք , լավ ենք արել: Մեր արածը զինված ապստամբություն էր: Եթե ապստամբությանը վերաբերվող հարցերն ենք քննարկելու՝ քննարկենք: Եթե ոչ, ապա ես չեմ մնա դահլիճում»,- հայտարարեց խմբի անդամ Գագիկ Եղիազարյանը: Նախագահող դատավրը խնդրեց 20 րոպե դիմանալ, որից հետո կքննարկի Եղիազարյանի միջնորդությունը, սակայն վերջինս ոտքի կանգնեց և ցանկացավ դուրս գալ: «Բա որ ես վեր կացա, ինչ եք անելու»,-ոտքի կանգնեց Պավլիկ Մանուկյանը: «Սասնա ծռեր»-ի անդամները բոլորը ոտքի կանգնեցին և փորձեցին դուրս գալ դահլիճից Քանի որ կարեւոր դատավարական փուլում են դատախազներն էլ պնդեցին, որ ամբաստանյալների ներկայությունը պարտադիր է: Սակայն նիստերի դահլիճը լքեցին միայն Արայիկ Խանդոյանը՝ «Միայնակ գայլը» եւ Մխիթար Ավետիսյանը: Հիշեցնենք, որ խմբի գործով դատաքննությունը մի քանի ամիս շարունակ չէր սկսվում, նիստերն անընդհատ տապալվում էին, որից հետո որոշում կայացվեց գործը բաժանել 3 մասի: «Սասնա ծռեր» խմբի 11 անդամի մասով գործը քննում է Արտուշ Գաբրիելյանը, իսկ անջատված մասերով երկու գործը քննում են Կենտրոն եւ Նորք-Մարաշ վարչական շրջանների ընդհանուր իրավասության դատարանի դատավոր Մեսրոպ Մակյանն ու Էրեբունի եւ Նուբարաշեն վարչական շրջանների ընդհանուր իրավասության դատարանի նախագահ Արթուր Օհանյանը:
Հետևեք մեզ Viber-ում
