Դատարանը մերժեց ցմահ դատապարտյալ Ստեփան Գրիգորյանին վաղաժամկետ պայմանականով ազատելու հայցը

Դեկտեմբերի 6-ին Արմավիրի մարզի ընդհանուր իրավասության դատարանը մերժեց ցմահ դատապարտյալ Ստեփան Գրիգորյանին վաղաժամկետ պայմանականով ազատելու հայցը։ Թեպետ փաստաբանի խոսքով, «Բոլոր հիմքեր կան Ստեփան Գրիգորյանի նկատմամբ վաղաժամեկտ պայմանական կիրառելու համար․ «23 տարվա մեջ ինքը դրական վարքագիծ է դրսեւորել, միայն 2 անգամ հեռախոս են հայտնաբերել իր մոտից»։ Նշենք, որ Ստեփան Գրիգորյանն 20 տարուց ավելի է՝ գտնվում է անազատության մեջ, եւ ըստ քրեական օրենսգրքի ՝ ցմահ ազատազրկման դատապարտված անձը կարող է պայմանական վաղաժամկետ ազատվել, եթե դատարանը գտնի, որ նա պատիժը հետագա կրելու կարիքը չունի եւ փաստորեն կրել է ազատազրկման ոչ պակաս, քան քսան տարին: 1997 թ.-ի դեկտեմբերի 25-ին Գերագույն դատարանի որոշմամբ սպանության գործով որպես մասնակից Ստեփան Գրիգորյանը դատապարտվել է մահապատժի։ Իսկ 2003 թ. Ռոբերտ Քոչարյանի հրամանագրով մահապատիժը փոխարինվել է ցմահ ազատազրկմամբ: iravunk.com