Արարատ Միրզոյանը փորձում է բլեֆի միջոցով ապակողմնորոշել հայ հանրությանը

Արարատ Միրզոյանը հերքել է լուրերը այսպես կոչված «Թրամփի երթուղու» 99-ամյա վարձակալության մասին, որը կկապի Ադրբեջանը Նախիջևանի ինքնավար մարզի հետ՝Հայաստանի միջոցով: Նրա խոսքով՝ նման պնդումները չեն համապատասխանում իրականությանը, և նախագծի ժամկետներն ու տեխնիկական պարամետրերը դեռևս քննարկվելու են:

Ինչպես նշում է Միրզոյանը, ապագա ենթակառուցվածքների համար նախատեսված հողը կմնա Հայաստանի սեփականությունը, իսկ Երևանը կապահովի երթուղու վերահսկողությունն ու անվտանգությունը։ Նախագիծը նախատեսում է նաև Միացյալ Նահանգների և երրորդ գործընկերոջ մասնակցությունը, որը կզբաղվի միջանցքի կառուցմամբ և կառավարմամբ։

Նախարարի խոսքով՝ մինչև օբյեկտի գործարկումը անհրաժեշտ է սահմանազատել սահմանը, տեղադրել պետական ​​դրոշներ, ինչպես նաև կառուցել սահմանային անցակետեր մաքսային ծառայությունների հետ միասին։

«Ինչպե՞ս կարող եք այլ կերպ պատկերացնել դա։ Այն պետք է լինի տարածքային ամբողջականության, ինքնիշխանության, իրավասության շրջանակներում և փոխադարձության սկզբունքին համապատասխան», - ասել է նա Հայաստանի հանրային հեռուստատեսությանը տված հարցազրույցում։

Հիշեցնենք, որ օգոստոսի 8-ին ստորագրված փաստաթղթի համաձայն, Հայաստանը պատրաստ է ԱՄՆ վերահսկողությանը փոխանցել այն երթուղին, որը կկապի Ադրբեջանի արևմտյան մասը Նախիջևանի հետ։

Ինչպես ԱՄՆ-ի նախագահըհայտարարեց մամուլի ասուլիսում, միջազգային խաղաղության և բարգավաճման երթուղու (TRIPP) վարձակալությունը «կարող է տևել մինչև 99 տարի»։

Սակայն Արարատ Միրզոյանը խուսափեց ուղիղ պատասխան տալ այն հարցին, թե արդյոք հայ մաքսային պաշտոնյաները կստուգեն ադրբեջանցիներին։

«Մենք կունենանք հասանելիություն Ադրբեջանի ենթակառուցվածքներին, և, բնականաբար, Ադրբեջանը կունենա հասանելիություն մեր ենթակառուցվածքներին, այդ թվում՝ Հայաստանի տարածքով անարգել անցնող ճանապարհ՝Նախիջևանի հետ կապվելու համար, ինչը փոխադարձաբար օգուտներ կբերի Հայաստանին միջազգային և ներքին փոխադրումների առումով»,- նշել էր Միրզոյանը:

Սակայն նույնիսկ իր այդ ձևակերպման մեջ պարզ երևում էր. ադրբեջանցիները Հայաստանի տարածքով անարգել անցնող ճանապարհ կունենան դեպի Նախիջևան, մինչդեռ հայկական կողմը նման հնարավորություն չի ունենա՝ Ադրբեջանի տարածքով կապ հաստատել, օրինակ Իրանի հետ:

Հասկանալի է, որ այս առումով ծիծաղելի է՝ խոսել «երկկողմանի շահի»մասին:

Ավելին, դրա արդյունքում Ադրբեջանը կստանա ուղիղ կապ Նախիջևանի հետ պրակտիկ կյանքում, մինչդեռ Հայաստանը փաստացի չի կարող ունենալ, օրինակ երկաթգիծ Նախիջևանի տարածքով դեպի Իրան:

Իհարկե, Ադրբեջանը չի մերժի դա, բայց գործնականում այդ ուղին չի աշխատի, քանի որ հայկական կողմը անվտանգության երաշխիքներ չի ունենա:

Սա ոչ թե վատ փաստաթուղթ է, այլ խայտառակ թուղթ է, որը կարելի բնութագրել, հետևյալ բանաձևով. «միջանցքի տրամադրում Ադրբեջանին՝ Փաշինյանի իշխանության վերարտադրության դիմաց»:

Միջազգային պրակտիկայում, իհարկե, շատ են գործում նման բանաձևեր, սակայն նման ակնհայտ խայտառակ միակողմանի զիջումները կատարում են անհույս բռնատերերը, որոնք փորձում են դրա միջոցով Արևմուտքից կորզել աջակցություն իրենց իշխանության համար:

Հայաստանում չի կարող լինել նման աստիճանի բռնատիրական ռեժիմ, և ուրեմն Փաշինյանի «նվերը» նույնպես չեղյալ կլինի՝ իշխանությունից նրա հեռացումից հետո:

Սա է իրականությունը:

Արտակ Հակոբյան
Աղբյուրը՝ Zham.am