Սամվել Ալեքսանյանն հարստանալու ձևն է հայտնում
ՀՀԿ խմբակցության անդամ Սամվել Ալեքսանյանն այսօր հայտարարեց, որ պայքարում է Հայաստանում աղքատության դեմ և ուզում է, որ Հայաստանում ոչ մի աղքատ մարդ չլինի: Հարցին՝ Իսկ ի՞նչ եք անում դրա համար, նա պատասխանում է. «Դրա համար աշխատատեղ ենք ստեղծում: Դե հիմա եկեք տեսեք ինչքան մարդ է աշխատում, ինչքան տեղ է պակասում»: Այնուհետև լրագրողներին հորդորեց աշխատանքից հետո իր հետ այցելել այդ վայրերը և համոզվել, որ աշխատատեղեր կան Նա ասաց, որ հենց այսօր պատրաստ է ցույց տալ, թե ինչքան լավ են զգում մարդիկ իր ընտանիքի բիզնեսում: Լրագրողի դիտարկմանը, թե ինչու է ժխտում, որ բիզնես ունի, ասաց. «Իմ բիզնեսը չի, իմ աղջկա բիզնեսն ա»: Հարստանալու գաղտնիքը պարոն Ալեքսանյանի կարծիքով այնքան պարզ է՝ մարդիկ պետք է մասնակցեն իր դասընթացներին. «Տունը էրեխեքին դասեր եմ տալիս, թե ոնց անեն բիզնես»:
Հետևեք մեզ Viber-ում
