Ի՞նչ կապ ունի երեկ մահացած Բրավոյի Կարենը Հայկ Սարգսյանի հետ

Օգոստոսի 18-ին, առեղծվածային մահվան դեպք է տեղի ունեցել Երևանում։ Ժամը 17։40-ի սահմաններում տեղեկություն է ստացվել, որ Դեմիրճյան 1 հասցեում գտնվող էլիտար շենքի ստորգետնյա ավտոկայանատեղիում՝ «Mercedes» մակնիշի ավտոմեքենայում, դի կա։

Ինչպես դեպքի վայրից հայտնել է ֆոտոլրագրող Գագիկ Շամշյանը, «Mercedes» մակնիշի ավտոմեքենայում՝ վարորդի նստատեղին հայտնաբերվել է տղամարդու դի՝ քունքի շրջանում հրազենային վնասվածքով։

Նրա ձեռքում հայտնաբերվել է նաև ատրճանակ, իսկ ավտոմեքենայից դուրս համայնքային ոստիկանները հայտնաբերել են կրակված գնդակ։ Ավտոմեքենայի առջևի դռան ապակին վարորդի կողմից նույնպես վնասված է կրակոցի հետևանքով։

Ըստ նախնական տեղեկությունների՝ տղամարդը ավտոմեքենայի մեջ ատրճանակով ինքնասպան է եղել։

Hayeli.am-ի բացառիկ տեղեկությունների համաձայն մահացած անձը գործարար բիզնեսմեն Կարեն Գասպարյանն է՝ հայտնի որպես Բրավոյի Կարեն: Նա բավականին հայտնի գործարար է եղել, հայտնի է էլիտար շենքեր կառուցապատման ոլորտում, ինչպես նաև ունեցել է գովազդային պաստառների բիզնես, «Բրավո» ռեստորանի սեփականատերն է եղել։

Մեզ հայտնի է դարձել, որ նրա հարազատների մոտ մահը շատ զարմանալի և անսպասել էր, քանի որ մի քանի օր հետո պետք է տեղի ունենար նրա եղբոր աղջկա հարսանեկան արարողությունը, որի պատրաստության հարցերով զբաղվում էր Կարեն Գասպարյանը։

Ինչպես նաև հարազատները չեն հավատում, որ Կարեն Գասպարյանը կարող էր ինքնասպանություն գործել, քանի որ նրանց համար կասկածելի է այն հանգամանքը, որ ինքնաձիգի փամփուշտը գտնվել է մեքենայից դուրս։

Մեր աղբյուրի փոխանցմամբ՝ Կարեն Գասպարյանը վերջերս խնդիրներ է ունեցել ՔՊ անդամ Հայկ Սարգսյանի՝ «Շիշ բռնողի» հետ, վերջինս ցանկացել է նրանից խլել պաստառների գովազդների հետ կապված բիզնեսը, ինչպես նաև նրանք եղել են դատական քաշքշուկների մեջ։

Լուրեր են շրջանառվում նաև, որ վերջին ամիսներին Կարեն Գասպարյանը հաճախ է բողոքել ներկայիս իշխանություններից, նշելով, որ վերջիններս ցանկանում են իրենց խլել իր բիզնեսները։