Թուրքիայում Հայոց ցեղասպանությունը ճանաչած լրագրողներին ցմահ ազատազրկում է սպառնում

Թուրքիայում գյուլենականների լրատվական կայքերի գործով դատական նիստին մեղադրող կողմը 7 մեղադրյալներից 3–ի համար ցմահ ազատազրկում է պահանջել։ Ստամբուլի ծանր հանցագործությունների գործերով 26–րդ դատարանում ընթացող դատավարությանը պետական մեղադրողը պահանջել է «Սահմանադրական կարգը խախտելու» մեջ մեղադրվող լրագրողներ Ահմեդ Ալթանի, Մեհմեդ Ալթանի և Նազըլը Ըլըջաքի համար ցմահ ազատազրկում։ Ձերբակալված երկու մտավորականներն էլ Թուրքիայում Հայոց ցեղասպանության ճանաչման ակտիվ կողմնակիցներից էին ու բազմաթիվ հոդվածներ են գրել Հայոց ցեղասպանության ճանաչման անհրաժեշտության մասին։