Երբ ընտրել են թաղի «չիժին», այդ ձայնը գնացել է Խոսրով Հարությունյանին. Էդմոն Մարուքյան

«Երկար տարիներ մենք գիտենք, որ ունենք գող, թալանչի ղեկավարներ , մեր աչի առաջ իրենց պաշտոնավարման ընթացքում առանց շունչ քաշելու թալանել են, բոլոր գյուղերի, քաղաքների շենքերը, տարածքները, իսկ նախագահի ելույթից պարզ դարձավ, որ իշխանությունը տեղյալ է եղել այդ թալանի մասին. իրավապահ մարմինների կողմից ինֆորմացիան հասել է իշխանությանը, որ մարզպետներից մեկը կամ թալանչիներից մեկը պետք է դատապարտվի և ինչ որ մարզպետ, տարածքային կառավարման նախարար միջնորդել է և այդ մարդկանց ներել են »,-այս մասին ասաց ԱԺ Ելք խմբակցության պատգամավոր Էդմոն Մարության ԱԺ ճեպազրույցների ժամանակ անդրադառնալով Սերժ Սարգսյանի այն հայտարարությանը , որ այլևս կպատժվեն բոլոր թալանչի համայնքապետերը , զուգահեռ հիշեցնելով , որ օրինակ Վանաձարում Niva մեքենաների համար հատկացվել է 1 մլն դրամ գումար, և 1 մլն գումար է հատկացվել Toyota Camry մեքենաների համար, այն դեպքում երբ այդ նույն գումարով կարել էր Niva մեքենա գնել: « Սերժ Սարգսյանի հայտարարությունն ասում էր, թե իրենք աչք են փակել չարաշահումների վրա, որովհետև ՏԻՄ-երի կայացման ընթացում, բնական է, լինելու էին բացթողումներ, մինչդեռ ըստ Մարուքյանի՝ սրանք ոչ թե թերություններին տրված ներումներ էին, այլ ընտրություններին ձայն ապահովողներին։Նրանք ներվել են ոչ թե նրա համար, որ ՏԻՄ-ը կայանա, այլ նրա, որ լավ են ընտրակաշառք բաժանում, լավ են ձայներ հավաքում։ Ներվածներն առաջին հերթին ՀՀԿ անդամներ են, և իշխանությունն ամենաբարձր մակարդակով նրանց ներել է», — նշեց նա։ Էդմոն Մարուքյանն անդրադարձավ  նաև ՀՀԿ-ականների՝ վերջերս աղմուկ հանած հայտարարություններին: Մարուքյանը նշեց, թե պատգամավորին չես կարող իր հայտարարության համար հետ կանչել կամ պատասխանատվության ենթարկել: Նրա խոսքով, այդ պատգամավորները ընտրվել են նույն այդ ժողովրդի քվեով: «Պատգամավորը չի կարող հետապնդվել իր կողմից արված որևէ հայտարարության հետևանքով, եթե այն վիրավորանք չի պարունակում: Գնալ, ընտրել այդ մարդկանց, հետո նեղվել»,- նշեց նա: