Հայկական զինուժի կորուստները 2017-ի նոյեմբերին
2017-ի նոյեմբերի 1-ից 30-ը հայկական զինված ուժերում (ներառյալ Պաշտպանության բանակում) հայտարարվել է մահվան 6 դեպքի մասին։ Կորուստներից վեցն էլ ոչ մարտական են: Տարբեր միջադեպերում վիրավորվել է 3 զինծառայող: Ոչ մարտական կորուստներ • Նոյեմբերի 4-ին, ՊԲ հյուսիսարևելյան ուղղությամբ տեղակայված զորամասերից մեկում հակատանկային նռնակի պայթյունից մահացել է ՊԲ զինծառայող, 1997թ. ծնված Հրանտ Խաչատուրի Մանգասարյանը: • Նոյեմբերի 21-ին, ՊԲ հյուսիսարևելյան ուղղությամբ տեղակայված զորամասերից մեկի պահպանության տեղամասում ականի պայթյունից մահացել են ՊԲ զինծառայողներ 1995թ․ ծնված Գեղամ Կորյունի Զաքարյանը։ • Նոյեմբերի 21-ին, ՊԲ հյուսիսարևելյան ուղղությամբ տեղակայված զորամասերից մեկի պահպանության տեղամասում ականի պայթյունից մահացել է ՊԲ զինծառայող 1998թ․ ծնված Սարգիս Գուրգենի Աբրահամյանը։ • Նոյեմբերի 21-ին, ՊԲ հյուսիսարևելյան ուղղությամբ տեղակայված զորամասերից մեկի պահպանության տեղամասում ականի պայթյունից մահացել է ՊԲ զինծառայող 1997թ․ ծնված Սարգիս Մհերի Մելիքյանը: • Նոյեմբերի 22-ին Սյունիքի մարզում ավտովթարում մահացել է պայմանագրային զինծառայող, 1993 թվականին ծնված Թաթուլ Թադևոսյանը։ • Նոյեմբերի 24-ին Վանաձորի ՀՀ ԶՈւ զորամասերից մեկում հանկարծամահ է եղել պայմանագրային զինծառայող, վարորդ, 1981 թվականին ծնված Գառնիկ Պետրոսյանը։ Վիրավորներ • Նոյեմբերի 4-ին, ՊԲ հյուսիսարևելյան ուղղությամբ տեղակայված զորամասերից մեկում հակատանկային նռնակի պայթյունից տարբեր աստիճանի բեկորային վիրավորումներ են ստացել ՊԲ զինծառայողներ Գևորգ Վլադիսլավի Հյուսնունցը և Սերգեյ Սևադայի Ալումյանը։ • Նոյեմբերի 21-ին ՊԲ հյուսիսարևելյան ուղղությամբ տեղակայված զորամասերից մեկի պահպանության տեղամասում ականի պայթյունից վիրավորվել է զինծառայող, 1998թ. ծնված Նարեկ Հայկի Հովեյանը։ Ընդհանուր առմամբ՝ 2017 -ին հունվարի 1-ից նոյեմբերի 30-ը հայտարարվել է հայկական բանակի 58 զինծառայողի մահվան մասին։
| Ամիս | Մարտական | Ոչ մարտ. | Վիրավոր |
| Հունվար | 3 | 3 | 1 |
| Փետրվար | 3 | 3 | 6 |
| Մարտ | 3 | 1 | 6 |
| Ապրիլ | 2 | 3 | 1 |
| Մայիս | 2 | 6 | 2 |
| Հունիս | 4 | 2 | 17 |
| Հուլիս | 2 | 2 | 4 |
| Օգոստոս | 2 | 3 | 1 |
| Սեպտեմբեր | 2 | 0 | 0 |
| Հոկտեմբեր | 2 | 4 | 0 |
| Նոյեմբեր | 0 | 6 | 3 |
| Ընդհանուր | 25 | 33 | 41 |
Հետևեք մեզ Viber-ում
