50 միլիոն դոլարով Կառավարությունը կվաճառի մեկ տարի առաջ «խլած» բաժնետոմսերը՝ նույն ընկերությանը
«Վիվա Արմենիայի» բաժնետոմսերի 20 տոկոսն այդ ընկերությունից «նվեր ստանալուց» կամ «խլելուց» 1.5 տարի անց Հայաստանի Կառավարությունը վաճառում է «նվեր ստացած» կամ «խլած» 20 տոկոսը նույն «Վիվա Արմենիային», որի նոր սեփականատերը FEDILCO GROUP LIMITE ընկերությունն է։
Ընկերությունն իր բաժնետոմսերը (20 տոկոսին համարժեք՝ 110.000 հատ) Կառավարությունից հետ կգնի 50 միլիոն դոլարով։
Գնորդ կազմակերպությունը՝ FEDILCO GROUP LIMITE-ը, Կառավարությանն այդ գումարը կվճարի 90 օրվա ընթացքում։
Հարց՝ ինչո՞ւ է Կառավարությունը վաճառում իր փայաբաժինը, այն դեպքում, երբ պարբերաբար խոսում է մեծ կազմակերպություններում փայ ունենալու անհրաժեշտության մասին։
Պարզվում է՝ պատճառը գույքի արդյունավետ կառավարման հարցն է։
Վաճառելով մեկ տարի առաջ «խլած կամ նվեր ստացած բաժնետոմսերը»՝ Կառավարությունն ինքնախոստովանություն է կատարում՝ արդյունավետ կառավարիչ չէ։
Նշենք, որ Ֆինանսների նախարարությունն առարկություն է ներկայացրել այս գործարքի վերաբերյալ առ այն, որ չկա հիմնավորում, թե ինչո՞ւ է Կառավարությունն իր մասնաբաժինը վաճառում 50 միլիոն դոլարով։
«Եթե «Վիվա Արմենիա» ՓԲԸ-ի բաժնետոմսերի անկախ գնահատում չի իրականացվել, ապա 50 մլն ԱՄՆ դոլար վաճառքի գինը լրացուցիչ հիմնավորման կարիք ունի»,- կարդում ենք Ֆիննախի առարկության մեջ։
Հետևեք մեզ Viber-ում
