Երբ են բռնելու խոշոր ձկներին
Խոստանում եմ՝ որ պահին, որ խոշոր ձկան արարքը հիմնավորվեց, ձեզ կհրավիրեմ դատական նիստին մասնակցելու: Այս մասին, այսօր՝ դեկտեմբերի 9-ին, հակակոռուպցիոն մրցանակաբաշխության շրջանակներում, լրագրողների հետ զրույցում ասաց ՀՀ գլխավոր դատախազ Արթուր Դավթյանը՝ անդրադառնալով դիտարկմանը, որ Սերժ Սարգսյանը խոսում էր խոշոր ձկներին բռնելու մասին, երբ է դա տեղի ունենալու: «Առաջիկայում իրավական ուժ է ստանալու ապօրինի հարստացման արարքը: Մենք երկու վիճակի հետ գործ ունենք՝ արդյոք կատարված հանցագործության արդյունք է ձեռք բերվածը, երկրորդ՝ արդյոք մեզ հաջողվում է հիմնավորել, որ դա հանցագործության կատարման արդյունք է»,- ասաց նա: Դիտարկմանը, որ մինչ օրս որևէ պաշտոնյա կոռուպցիայի համար պատասխանատվություն չի կրել, Արթուր Դավթյանն արձագանքեց. «Բայց ինչո՞ւ եք մտածում, որ բոլորն անպայման հանցագործություն են արել: Եթե գործը դատարան չի գնացել, անձը դատի չի տրվել, դա նշանակում է, որ ապացույցները բավարար չեն եղել»:
Հետևեք մեզ Viber-ում
